ឈីលី៖ គ្រួសាររបស់លោក Nicolás Bergerie ប្រកបមុខរបរជាអ្នកផលិតក្ដារមឈូលអស់រយៈពេល ៤ជំនាន់មកហើយ និងមិនដែលផ្លាស់ប្ដូរអ្វីទាំងអស់។ ប៉ុន្ដែនៅពេលវីរុសកូរ៉ូណាឆ្លងរាលដាលខ្លាំងនៅតំបន់អឺរ៉ុប គាត់បានសម្រេចចិត្ដបញ្ចេញនូវក្ដារមឈូសថ្មីមួយប្រភេទ ដែលសមស្របនឹងតម្រូវការបច្ចុប្បន្ន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្ដារមឈូសប្រភេទថ្មីនោះ មានឈ្មោះថា «កូវីដ» គឺជាក្ដារមឈូសដែលផលិតចេញពីឈើតម្លៃថោក ហើយផលិតបានលឿន ដែលកាលពីមុន ក្ដារមឈូសទាំងនោះបានផលិតពីឈើដ៏មានតម្លៃ បូករួមនឹងចម្លាក់យ៉ាងប្រណិត និងប្រើប្រាស់ជាមួយកញ្ចក់ល្អៗជាដើម។ ប៉ុន្ដែផលិតផលថ្មីនេះ គឺសាកសមបំផុតសម្រាប់ប្រទេសឈីលី ដែលជាចំណុចក្ដៅនៃការផ្ទុះឡើងវីរុសកូរ៉ូណា ទោះបីរដ្ឋាភិបាលបានចាត់វិធានការតឹងរុឹង ដើម្បីគ្រប់គ្រងការរីករាលដាលយ៉ាងណាក៏ដោយ។
ជាក់ស្ដែង កាលពីថ្ងៃសុក្រសប្ដាហ៍មុនប្រទេសឈីលីមានករណីឆ្លងសរុបរហូតដល់ ២៣០,០០០នាក់ ធ្វើឲ្យប្រទេសនេះឈរនៅលំដាប់ថ្នាក់ទី៩ ក្នុងពិភពលោក ដោយមានករណីឆ្លងថ្មីជាង ៥,០០០នាក់ ត្រូវបានរាយការណ៍នៅថ្ងៃធម្មតា ហើយនៅសប្ដាហ៍នេះ គេរំពឹងថាករណីឆ្លងសរុបក្នុងប្រទេសឈីលីនឹងកើនផុតប្រទេសអុីតាលីទៀតផង។
ដោយមានមនុស្សជាង ៤,០០០នាក់បានស្លាប់ដោយសារជំងឺកូវីដ-១៩ ក្នុងប្រទេសឈីលី លោក Bergerie ដែលជាម្ចាស់អាជីវកម្មផលិតក្ដារមឈូសខាងលើបានមើលឃើញថា ការបញ្ជាទិញមានការកើនឡើងគួរឲ្យកត់សម្គាល់។ បច្ចុប្បន្ននេះ ក្រុមការងាររបស់លោកកំពុងផលិតមឈូលចំនួន ១០០ក្នុងមួយសប្ដាហ៍ គឺកើនឡើងថ្វេរដង បើធៀបនឹងពេលពីមុន។ ហើយបើទោះបីជាលក់ដាច់ជាងមុនក៏ពិតមែន ប៉ុន្ដែប្រាក់ចំណូលរបស់លោកហាក់ធ្លាក់ចុះជាងពាក់កណ្ដាល ព្រោះត្រូវលក់ចេញក្នុងតម្លៃថោកជាងមុន៕
សូមទស្សនារូបភាពខាងក្រោម៖