អាមេរិក៖ ប៉ូលិសមួយរូបទៀត ស្ថិតក្នុងចំណោមមន្ដ្រីប៉ូលិស Minneapolis ៤រូប ដែលត្រូវបានចោទប្រកាន់ចំពោះការស្លាប់របស់បុរសស្បែកខ្មៅ George Floyd កាលពីចុងខែឧសភា កន្លងទៅ ទើបត្រូវបានគេដោះលែងឲ្យនៅក្រៅឃុំវិញ កាលពីយប់ថ្ងៃសុក្រ ទី១៩ ខែមិថុនា ម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមរបាយការណ៍របស់ StarTrubune បានឲ្យដឹងថា លោក J. Alexander Kueng អាយុ ២៦ឆ្នាំ ត្រូវបានដោះលែងពីពន្ធនាគារ Hennepin County Jail នៅវេលាម៉ោង ៧ និង ៣០នាទីយប់ម្សិលមិញ បន្ទាប់ពីបង់ប្រាក់ធានាចំនួន ៧៥០,០០០ដុល្លារអាមេរិក។ ហើយលោកគឺជាមនុស្សទីពីរហើយ បន្ទាប់ពីលោក Thomas Lane ដែលត្រូវបានគេដោះលែងកាលពីថ្ងៃទី១០ ខែមិថុនា កន្លងទៅ។
លោក Kueng និងលោក Lane ត្រូវបានជាប់ចោទពីបទរួមគំនិតសម្លាប់មនុស្សកម្រិតទី២។ ហើយអ្នកទាំងពីរ គឺជាមនុស្សដំបូង ដែលត្រូវបានគេរាយការណ៍ថា លោក Floyd បានប្រើក្រដាស់ប្រាក់២០ដុល្លារក្លែងក្លាយ ទិញទំនិញក្នុងហាងមួយកន្លែងក្នុងរដ្ឋ Minnesota ។ អ្នកទាំងពី ក៏បានទៅដល់ និងដាក់ខ្នោះជនរងគ្រោះមុនផងដែរ មុនពេលមន្ត្រីប៉ូលិស២នាក់ទៀត រួមមានលោក Derek Chauvin និង លោក Tou Thao មកដល់។
យ៉ាងណាមិញ ចំពោះលោក Chauvin ដែលជាអ្នកប្រើជង្គង់សង្កត់.ក ហើយរងការចោទប្រកាន់ធ្ងន់ធ្ងរជាងគេ រួមនឹងលោក Thao ម្នាក់ទៀត គឺកំពុងស្ថិតក្នុងពន្ធនាគារនៅឡើយ។ ខណៈដែលលោក Chauvin ត្រូវបង់ប្រាក់ធានាចំនួន ១.២៥លានដុល្លារអាមេរិក ទើបអាចនៅក្រៅឃុំបាន៕
សូមទស្សនារូបភាពខាងក្រោម៖