ក្នុងរឿងតួម្នាក់នេះ ជាមិត្តភក្ដិទិនហ្វី ប៉ុន្តែវាសនាបច្ចុប្បន្នខុសគ្នាដាច់

ចិន៖ ជឿជាក់ថា ទស្សនិកជនភាគច្រើនប្រាកដជា ស្គាល់លោក Stephen Chow ឬទិនហ្វី និង លោក Ng Man Tat តាមរយៈខ្សែភាពយន្ត ដែលបានសម្តែងរួមគ្នា ជាច្រើនរឿងផងដែរ។

ជាការពិតណាស់ ក្រៅពីអាជីពការងារជា អ្នកសម្តែងភាពយន្តជាមួយគ្នា ពួកគេក៏ជាអតីតមិត្តសម្លាញ់នឹងគ្នាផងដែរដោយកាលពីមុន ពួកគេគឺជាមិត្តសម្លាញ់នឹងគ្នាដ៏ជិតស្និទ្ធថែមទៀតផង ប៉ុន្តែមកទល់នឹងបច្ចុប្បន្ននេះ គឺអ្វីៗបានប្រែប្រួល១៨០ដឺក្រេទៅហើយ ដោយពួកគេផ្តាច់ទំនាក់ទំនងរៀងខ្លួន ប៉ុន្តែមិនមែនមានន័យថា បានឈ្លោះប្រកែកគ្នាឬ ក៏មានជម្លោះជាមួយគ្នានោះទេ។

បើតាមលោក Ng Man Tat បានលើកឡើងកាលពីឆ្នាំ២០១៨ថា លោកទិនហ្វី បានទូរសព័្ទមកហៅលោកទៅចូលរួមសហការរឿងជាមួយគាត់ ដោយកំឡុងពេលនោះ ទិនហ្វី កំពុងតែដំណើរការថតភាពយន្ត «ត្រីមច្ឆា» ប៉ុន្តែជាអកុសលនៅក្នុងពេលនោះរូបលោក កំពុងតែមានជំងឺ ដែលតម្រូវឲ្យរូបលោក ត្រូវបង្ខំចិត្តបដិសេដ ការអញ្ជើញមួយនេះផងដែរ។

តារាប្រុសរូបនេះបានបន្តទៀតថា៖

ដោយឡែក ស្ថានភាពលោក Ng Man Tat នៅពេលនេះគឺ កំពុងតែលំបាកខ្លាំង ដោយមានទុក្ខដ៏ធំដោយត្រូវចំណាយប្រាក់មួយចំនួនធំ ទៅប្រពន្ធដល់ទៅ៣នាក់ ដោយសព្វថ្ងៃនេះ រូបលោកកំពុងតែមានជំងឺប្រចាំកាយ សុខភាពចុះខ្សោយខ្លាំងនិង មិនមានប្រាក់ចំណូលទៀតផង រីឯលោក ទិនហ្វី វីញកំពុងតែរស់នៅជាមួយប្រាក់រាប់លានដុល្លារចាយមិនអស់ ប៉ុន្តែបែរជាគ្មានប្រពន្ធទៅវិញ ដោយជិវិតពេលនេះកំពុងតែរស់នៅ ក្នុងការងារដ៏សែនមមាញឹកខ្លាំង ស្ទើរតែគ្មានពេលទំនេរ ទាល់តែសោះ។

គួររម្លឹកដែរថា ភាពយន្តដែលពួកគេបានសម្តែងរួមគ្នាចុងក្រោយបង្អស់គឺ  «បាល់ទាត់សាវលីង» ដែលទទួលបានការគាំទ្រខ្លាំងពី សំណាក់មហាជនផងដែរ៕

សូមចូលមើលរូបភាពខាងក្រោម៖