ប្រិយមិត្តបានស្គាល់ហើយតារាវ័យក្មេង ចាន់ ស្រីខួច អតីតបេក្ខនារី The Voice Kids Cambodia រូបនេះមានសំឡេងពីរោះ មិនចាញ់តារារៀមច្បងនោះឡើយ ។ ជាក់ស្តែង ថ្មីៗនេះ ចាន់ ស្រីខួច បានចេញបទថ្មី «ចប់ចុះ» គឺជាបទចម្រៀងថ្មី ដែលទើបបង្ហោះនៅក្នុងបណ្តាញសង្គមកាលពីពេលថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការកត់សម្គាល់ បង្ហោះមិនទាន់បានប៉ុន្មានផងក៏មានការចូលទស្សនា និងស៊ែរជាច្រើនផងដែរ ។ ក្នុងនោះក៏មានការសរសើរថា សំឡេងរបស់ ចាន់ ស្រីខួច ពិតជាពីរោះរណ្ដំ និងអត្ថន័យបទចម្រៀងនេះក៏ចាក់ដោត ចិត្តអ្នកស្តាប់ជាយុវវ័យបច្ចុប្បន្ននេះថែមទៀតផង ។
គួបញ្ជាក់ថា នេះមិនមែនជាបទដំបូងរបស់នាងនោះទេ កន្លងមក ចាន់ ស្រីខួច ក៏មានបទចម្រៀងផ្ទាល់ខ្លួនមួយចំនួនផងដែរ ។ យ៉ាងណាមិញ សម្រស់របស់ ចាន់ ស្រីខួច មានការប្រែប្រួលស្រស់ស្អាតប្លែក ក្រោយពីនាងធំពេញរូបពេញរាង ។
ក្នុងនោះក៏មានការលើកឡើងពីមហាជនដែលគាំទ្រនាងដែរថា ទៅថ្ងៃក្រោយ ចាន់ ស្រីខួច នឹងមានឈ្មោះបោះសំឡេង ព្រោះនាងមានទាំងសមត្ថភាព និងរូបសម្រស់ពីធម្មជាតិ ។
សូមរំលឹកផងដែថា ចាន់ ស្រីខួច ធ្លាប់ចូលប្រឡងក្នុងកម្មវិធីប្រឡងចម្រៀងកុមារលំដាប់ថ្នាក់ពិភពលោក The Voice Kids Cambodia កំឡុងខែកក្កដា ឆ្នាំ ២០១៧ កាលនោះ ស្រីខួច មានអាយុ១២ឆ្នាំ ហើយបានលើកយកបទ “ចូលមកធ្វើអ្វីបើគង់ចាកចេញ” មកប្រកួត។
តោះចង់ដឹងថាបទចម្រៀងថ្មី «ចប់ចុះ» របស់ ចាន់ ស្រីខួច ពីរោះរណ្ដំយ៉ាងណា សូមស្ដាប់ទាំងអស់គ្នា៖