ចិន៖ អាចនិយាយបានថា នៅក្នុងសិល្បៈកម្សាន្តរបស់ប្រទេសចិន តែងតែត្រូវបានមហាជនជាច្រើន សរសើរមិនដាច់ពីមាត់ពីសមត្ថភាពរបស់សិល្បៈករ ជាពិសេស ចំពោះតារាសម្ដែងតែម្ដង ដែលមានទាំងទេពកោសល្យ ព្រមទាំងរូបសម្រស់គួរជាទីពេញចិត្ត ដែលអាចទាក់ទាញចិត្តអ្នកទស្សនាជាច្រើនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ងាកមកមើល តារាសម្ដែងស្រីដ៏មានប្រជាប្រិយភាពទាំង ៤ ដួងនេះវិញឃើញថា ពួកគេមិនត្រឹមតែមានសមត្ថភាពសម្ដែងបានយ៉ាងល្អនោះទេ តែមុខមាត់និង រូបសម្រស់របស់អ្នកទាំង ៤ ពិតស្រស់ស្អាត លេចធ្លោយ៉ាងខ្លាំង ជាពិសេស តារាស្រីទាំង ៤ រូបនេះ ថែមទាំងត្រូវបានមនុស្សជាច្រើនចាប់អារម្មណ៍ទៅលើជើងដ៏ស្រឡូន ដែលវែងខ្លាំង លេងឲ្យហ្វេនៗពិតជានឹកស្មានមិនដល់។
តោះបើចង់ជ្រាបថា តារាស្រីរូបណាខ្លះ ដែលមានជើងវែងខ្លាំង សូមទស្សនារូបភាពខាងក្រោម៖
១. Guan Xiao Tong ជាតារាសម្ដែងស្រីមួយរូប ដែលមានរូបរាង និងមន្តស្នេហ៍ គួរឱ្យទាក់ទាញ ចំពោះហ្វេនៗជាច្រើន ហើយនាងក៏ត្រូវបានហ្វេនៗជាច្រើន ស្គាល់នាងថា ជាគូស្នេហ៍របស់តារាចម្រៀងប្រុស Luhan អតីតសមាជិក្រុម EXO ថែមទៀតផង។ សម្រាប់តារាស្រីរូបនេះ នៅពេលចូលរួមកម្មវិធីទូរទស្សន៍ នាងក៏បានបង្ហាញពីកម្ពស់របស់នាងដែលមានប្រវែង ១,៧២ ម៉ែត្រ ព្រមទាំងប្រវែងជើង ដែលមានប្រវែងរហូតដល់ ១,០៨ ម៉ែត្រ។
២. Diliraba ជាតារាសម្តែងស្រីដ៏មានប្រជាប្រិយមួយ នៅក្នុងឧស្សាហកម្មកម្សាន្តចិន នាពេលបច្ចុប្បន្ននេះ សព្វថ្ងៃ។ មិនត្រឹមតែប៉ុណ្ណោះ នាងត្រូវបានមនុស្សជាច្រើន ចាប់អារម្មណ៍ទៅលើមុខមាត់ ព្រមទាំងស្ទាយ៍តែងខ្លួនដ៏ទាក់ទាញរបស់នាង ផងដែរ។ ម៉្យាងវិញទៀត បើទោះបីជា តារាស្រីរូបនេះ មានកម្ពស់ត្រឹមតែ ១,៦៨ ម៉ែត្រ តែប្រវែងជើងរបស់នាង មានប្រវែងរហូតដល់ ១,០៩ ម៉ែត្រ។
៣. Guli Nazha ជាសម្ដែងស្រីលំដាប់ជួរមុខមួយរូប ដែលត្រូវបានហ្វេនៗជាច្រើន មានការពេញចិត្ត ជាមួយនឹងមុខមាត់ដ៏ស្រស់ស្អាត ព្រមទាំងរូបរាងរបស់នាង នៅពេលដែលចេញមកបង្ហាញដល់ហ្វេនៗ ក្នុងស្ទាយ៍ដ៏ទាន់សម័យជាច្រើន ។ តារាស្រីរូបនេះ ត្រូវបានគេដឹងថា នាងមានកម្ពស់ជាង ១,៧២ ម៉ែត្រ ព្រមទាំងមានបបប្រវែងជើង រហូតដល់ ១,១២ ម៉ែត្រ។
៤. Tang Yan ក៏ជាតារាសម្តែងស្រីម្នាក់ ដែលទទួលបានការចាប់អារម្មណ៍យ៉ាងខ្លាំងពីសំណាក់ទស្សនិកជនជាច្រើន បើទោះបីជា បច្ចុប្បន្ននេះ នាងមិនសូវលេចមុខ នៅក្នុងសកម្មភាពសិល្បៈកម្សាន្ត បន្ទាប់ពីរៀបការជាមួយនឹងស្វាមីរួចមក ។ យ៉ាងណាមិញ តារាស្រីរូបនេះ ត្រូវបានហ្វេនៗជាច្រើន ដឹងថា នាងមានកម្ពស់ ១,៧២ ម៉ែត្រ ប៉ុន្តែជើងរបស់នាង បែរជាមានប្រវែងរហូតដល់ ១,១៥ ម៉ែត្រ៕