Love Riya បង្ហើប​ពី​ហេតុផល​ដែល​ឧបត្ថម្ភ​ប្រាក់​​ខ្លះ​ជូន​​តារា​​ជើង​​​ចាស់​​​ម្នាក់​នេះ

អ្នកប្រើប្រាស់បណ្តាញសង្គមហ្វេសប៊ុក ប្រាកដជាស្គាល់ហើយអ្នកនាង Love Riya ដែលជាអ្នកលក់ឡេ​តាម​អនឡាញម្នាក់។ ក្រោយពីបានចេញផ្សាយនូវព័ត៌មានពីរឿងលែងលះជាមួយស្វាមីលោក ហេន ឌ្រី រួចមក អ្នកនាងបានបង្ហាញនូវជីវភាពហ៊ឺហានៅក្នុងជំនួញផ្ទាល់ខ្លួន និងភាពស៊ីវីល័យផងដែរ។

តាមគណនីហ្វេសប៊ុករបស់អ្នកនាងក្នុងពេលថ្មីៗនេះ នាងបានបង្ហាញនូវការជួយដល់ជនក្រីក្រ និងតារាជើងចាស់​ដែលមានជីវភាពខ្វះខាត។ ថ្មីៗ គេឃើញថាអ្នកនាងបានជួយជាទឹកប្រាក់ចំនួន ២០០ ដុល្លារទៅដល់តារាជើងចាស់​ម្នាក់​ដែលតែងតែសម្តែងជាតួកាច និងកម្សត់បានគ្រប់ទម្រង់គឺ អ្នកស្រី អ៊ុំ សក្ខណា ។

ថវិកានេះគឺអ្នកនាង Love Riya ឧបត្ថម្ភទៅកាន់តារាសម្តែងជើងចាស់រូបនេះ ដោយអះអាងថា​តែអ្នកនាងសម្លឹង​ឃើញគាត់មានជីវភាពខ្វះខាតយូរឆ្នាំមកហើយ និងសម្រាប់ព្យាបាលអ្នកម្តាយជាទីស្រលាញ់ ដែលមានជំងឺ​ប្រចាំ​កាយ​រាប់ឆ្នាំ​មកហើយ។ ហើយថវិកានេះអាចជាចំណែកមួយជួយសម្រួលការលំបាក សម្រាប់តារាជើងចាស់រូបនេះ​ផងដែរ៕