តារាកំប្លែងស្រីដែលមានឈ្មោះបោះសម្លេង ពូកែវោហារសព្ទ និងតែងតែធ្វើឲ្យមហាជនផ្ទុះសំណើច គឺ អ្នកនាង ស្រេង សុកាន់ដា ដែលអ្នកទាំងអស់គ្នាតែងតែហៅគាត់ថា ខ្ញុង ពេលនេះនាង និងស្វាមី នាយ កៃដ កំពុងតែចូលសម្រាកមន្ទីរពេទ្យត្រៀមសម្រាលកូនទីពីររបស់នាងហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថាអ្នកនាង ខ្ញុងមិនទាន់គ្រប់ខែដែលត្រូវដល់ពេលសម្រាលនោះទេ គឺប្រហែលជាកើតមុនខែដែលកូនក្នុងផ្ទៃរបស់គាត់មានវ័យទើបតែ ៨ ខែប៉ុណ្ណោះ នេះបើតាមការបញ្ជាក់នៅក្នុងការ Live លក់សម្លៀកបំពាក់តាមគណនីហ្វេសប៊ុកផ្ទាល់ខ្លួនកាលពីម្សិលមិញនេះ។ មូលហេតុដែល ខ្ញុង ជួបរឿងបែបនេះគឺដោយសារតែនាងមមាញឹកនឹងការងារច្រើនពេក ដូចជាការងារសិល្បៈ មានជំនួញផ្ទាល់ខ្លួនទៀត មិនត្រឹមតែប៉ុណ្ណោះត្រូវមើលថែគ្រួសារថែមទៀតផង។ ដូច្នេះហើយទើបធ្វើឲ្យនាងមិនសូវមានពេលវេលាថែរក្សាសុខភាពខ្លួនឯងឲ្យបានល្អក្នុងអំឡុងពេលមានផ្ទៃពោះនេះទេ។ នៅមុននេះបន្តិចមានមហាជនជាច្រើនបានជូនពរដោយនិយាយពាក្យពេចន៍ល្អៗទៅកាន់នាង និងកូននៅក្នុងផ្ទៃកុំឲ្យមានរឿងអ្វីកើតឡើងឲ្យសោះ ហើយពាក្យពេចន៍ទាំងអស់នេះគឺជាកំម្លាំងចិត្តដ៏ធំធេងសម្រាប់នាងក្នុងការសម្រាលនៅយប់នេះផងដែរ។ ដូច្នេះយើងទាំងអស់គ្នាមានតែរង់ចាំមើលថា តើកូនប្រុសរបស់នាងដែលមានឈ្មោះថា មង្គល មានមុខមាត់គួរឲ្យខ្នាញ់ និងមានមុខស្រដៀងទៅកាន់អ្នកណា យើងប្រាកដជាបានដឹងច្បាស់ទាំងអស់គ្នា៕
តោះមកមើលរូបភាពនៃការសម្រាកនៅក្នុងមន្ទីពេទ្យដើម្បីរង់ចាំសម្រាលរបស់អ្នកនាង ខ្ញុង ៖