កាលពីម្សិលមិញនេះមានការចាប់អារម្មណ៍មួយ ក្រោយពីគេបានឃើញអ្នកនាង ទ្រី ដាណា បានបើករថយន្តដ៏ប្រណិតមួយ ម៉ាក Roll Royce ប្រភេទ SUV លើកដំបូងបំផុតលើពិភពលោក ដែលគេដឹងថាមានតម្លៃកប់ក្ដោង។ម៉ាកពិតប្រាកដរថយន្តដ៏ប្រណិតនេះ គឺ Rolls-Royce Cullinan ដែលទើបប្រកាសបើកលក់ផ្លូវការនៅក្នុងប្រទេសថៃប៉ុន្មានថ្ងៃមុននេះប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្រាប់តែនៅថ្ងៃនេះ រថយន្តលំដាប់អភិជនមួយនេះ ក៏បានមានវត្តមាននៅកម្ពុជាដែរ ដោយគេឃើញអ្នកនាង ទ្រី ដាណា ទិញយកធ្វើជាកម្មសិទ្ធិ។ ចំពោះតម្លៃ ប្រភពមួយបានបង្ហើបថា Rolls-Royce Cullinan គឺមានតម្លៃប្រមាណជាង ៩០ម៉ឺនដុល្លារអាមេរិកឯណោះ។ ត្បិតថា ម្ចាស់ហាងពេជ្រដែលធ្លាប់មានប្រវត្តិជាអ្នកលក់ខោអាវក្រោមឆ័ត្រ ទើបបានបង្ហាញជាសាធារណៈ ថាជាម្ចាស់លើរថយន្តប្រភេទ SUV ទី១ក្នុងសែស្រឡាយ Rolls Royce នៅព្រឹកនេះក៏ពិតមែន ប៉ុន្តែតាមប្រភពមិនបញ្ចេញឈ្មោះដដែលបានឲ្យដឹងថា មានបុគ្គលលំដាប់អភិជនច្រើននាក់ហើយ ដែលបានក្លាយជាម្ចាស់លើ Rolls-Royce Cullinan នៅក្នុងស្រុកខ្មែរ៕