ញូវដេលី៖ កាលពីថ្ងៃច័ន្ទកន្លងទៅ ទីភ្នាក់ងារសារព័ត៌មានក្នុងស្រុកមួយរបស់ប្រទេសឥណ្ឌាបានរាយការណ៍ថា មានទាហានឥណ្ឌាយ៉ាងហោចណាស់ ៣នាក់ ដែលរួមបញ្ជូលទាំងមន្រ្តីកងទ័ពឥណ្ឌាម្នាក់ បានស្លាប់បាត់បង់ជីវិត នៅក្នុងការប៉ះទង្គិចគ្នាជាមួយទាហានចិន កាលពីយប់ថ្ងៃច័ន្ទ នៅវាលរហោស្ថានទឹកកក Ladakh ក្នុងតំបន់ជម្លោះកាស្មៀរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែមកដល់ថ្ងៃអង្គារម្សិលមិញនេះ កងទ័ពឥណ្ឌាបានបង្ហាញនូវចំនួនអ្នកស្លាប់ពិតប្រាកដ ដែលមានរហូតដល់ទៅ ២០នាក់ឯណោះ។ នៅក្នុងការប៉ះទង្គិចគ្នានេះ អាជ្ញាធរចិនក៏បានឱ្យដឹងដែរថា ទាហានចិនប្រមាណ ៤៣នាក់បានរងរបួស តែទោះបីជាយ៉ាងណាក្តី អាជ្ញាធរចិនមិនបានបញ្ជាក់ ថាតើមានទាហានរបស់ខ្លួនប៉ុន្មាននាក់ បានស្លាប់នៅក្នុងការប្រឈមមុខដាក់គ្នានោះទេ។ ក្រោយការប៉ះទង្គិចគ្នានេះបានកើតឡើង មន្រ្តីយោធាជាន់ខ្ពស់នៃភាគីទាំងពីរ បានប្រជុំគ្នានៅទីកន្លែងនោះ ដើម្បីដោះស្រាយស្ថានការណ៍ដ៏តានតឹងមួយនេះ។
គួរជម្រាបផងដែរថា ភាពតានតឹងរវាងប្រទេសឥណ្ឌា និងចិន បានកើតឡើងជាថ្មីអស់រយៈពេលជាច្រើនសប្តាហ៍កន្លងមកនេះ បន្ទាប់ពីមន្ត្រីឥណ្ឌាបានអះអាងថា ទាហានរបស់ចិនបានលុកលុយចូលដែនដីប្រទេសឥណ្ឌា ខណៈប្រទេសចិនបានប្រឆាំងនឹងការស្ថាបនាផ្លូវរបស់ឥណ្ឌានៅក្នុងតំបន់នោះ ដោយអះអាងថាតំបន់នោះ គឺជាដែនដីរបស់ខ្លួន។ បន្ទាប់ភាពតានតឹងនេះ ចេះតែបន្តកើនឡើង ចិនបានបញ្ជូនកងទ័ពរបស់ខ្លួន ដែលក្នុងនោះមានទាំងរថក្រោះទៅក្បែរតំបន់ជម្លោះ ដើម្បីធ្វើការហ្វឹកហាត់៕