ប៉េកាំង៖ រដ្ឋធានីប៉េកាំង បានបញ្ជាឲ្យសាលាបឋមសិក្សា និងអនុវិទ្យាល័យទាំងអស់ផ្អាកការបង្រៀននៅក្នុងសាលាជាថ្មី ហើយវិលត្រលប់ទៅសិក្សាតាមប្រព័ន្ធអុីនធឺណេតវិញ ចាប់ពីថ្ងៃនេះតទៅ ដើម្បីឆ្លើយតបនឹងការផ្ទុះឡើងនៃជំងឺកូវីដ-១៩ លើកទីពីរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវិបត្ដិថ្មីនេះ បានកំពុងរាលដាលលើប្រជាពលរដ្ឋរស់នៅក្នុងរដ្ឋធានីប៉េកាំងយ៉ាងគួរឲ្យព្រួយបារម្ភ ហើយក្នុងរយៈពេល៥ថ្ងៃចុងក្រោយនេះ មានករណីចំនួន១០៦ ត្រូវបានគេរាយការណ៍។ ហើយចំពោះការរីករាលថ្មីនេះ គឺបណ្ដាលមកពីទំនិញ និងបរិស្ថានកខ្វក់ក្នុងផ្សារ ក៏ដូចជាការប្រាស្រ័យទាក់ទងគ្នាទៅវិញទៅមករបស់ប្រជាពលរដ្ឋផងដែរ។
ម៉្យាងវិញទៀត បើតាមថៅកែផ្សារ Xinfadi បានប្រាប់អ្នកយកព័ត៌មានកាលពីថ្ងៃសៅរ៍ថា ក្រុមអ្នកស្រាវជ្រាវក៏បានរកឃើញមេរោគថ្មីនេះមាននៅលើជ្រុញ ដែលប្រើដើម្បីកាប់ត្រីសាម៉ុននាំចូលផងដែរ។ ជាមួយគ្នានេះ អ្នកវិទ្យាសាស្ត្របានដាក់ការសង្ស័យថា វីរុសកូរ៉ូណា ដែលបានរាលដាលលើពលរដ្ឋប៉េកាំងមួយរយៈពេលចុងក្រោយនេះ ទំនងជាហូរចូលពីអឺរ៉ុប។
ទន្ទឹមនឹងនេះដែរ រដ្ឋាភិបាលប៉េកាំងបានចាត់វិធានការជាបន្ដបន្ទាប់ លើការសម្រុកធ្វើតេស្ដប្រជាជនប្រមាណ៩០,០០០នាក់ក្នុងមួយថ្ងៃ ហើយបានបិទព្រឹត្ដិការណ៍កីឡា ក៏ដូចជាកន្លែងកម្សាន្ដទាំងអស់ក្នុងទីក្រុងផងដែរ នេះបើតាមសារព័ត៌មានចិន ស៊ីងហួ៕
សូមទស្សនារូបភាពខាងក្រោម៖