ម៉ូស្គូ៖ ប្រធានាធិបតីរុស្ស៊ី លោក វ្លាឌីមៀ ពូទីន បានមានប្រសាសន៍ថា រុស្ស៊ីគឺជាប្រទេសនាំមុខគេលើពិភពលោក ក្នុងការស្រាវជ្រាវរកឃើញមីស៊ីលល្បឿនលឿនជាងសម្លេង ដែលមានឈ្មោះថា Avangard ។ ហើយនៅពេលខាងមុខ ប្រទេសរុស្ស៊ីក៏នឹងមានប្រព័ន្ធការពារអាវុធបែបនេះ ដើម្បីជាការទប់ទល់ជាមួយនឹងគូប្រជែង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសហរដ្ឋអាមេរិក និងប្រទេសចិន ក៏បានចាប់ផ្តើមកម្មវិធីផលិតមីស៊ីលល្បឿនលឿនជាងសម្លេងនេះដែរ ហើយក្នុងនោះមានទាំងការបំពាក់ក្បាលគ្រាប់នុយក្លេអ៊ែរ ដែលមានសមត្ថភាពអាចហោះបានក្នុងល្បឿនជាង ៨០៤៦ គីឡូម៉ែត្រក្នុងមួយម៉ោង។ ដូច្នេះវាមានន័យថា ប្រព័ន្ធការពារដែនអាកាសភាគច្រើន គឺមិនអាចមានពេលវេលាគ្រាប់គ្រាន់ ដើម្បីតាមចាប់អាវុធល្បឿនលឿនបែបនេះទេ។
នៅក្នុងបទសម្ភាសន៍តាមទូរទស្សន៍ កាលពីថ្ងៃអាទិត្យកន្លងទៅ លោក ពូទីន បានលើកឡើងយ៉ាងដូច្នេះថា៖
គួរឱ្យដឹងផងដែរថា មីស៊ីល Avangard របស់ប្រទេសរុស្ស៊ី ត្រូវបានដាក់ឲ្យប្រើប្រាស់ នៅក្នុងកម្លាំងទាហានរបស់រុស្ស៊ី កាលពីថ្ងៃទី២៧ ខែធ្នូ ឆ្នាំ ២០១៩ កន្លងទៅ។ ហើយមីស៊ីលនេះមានល្បឿនលឿនជាងសំឡេងដល់ទៅ ២៧ដង ដែលអាចឱ្យវាគេចផុតរាល់ប្រព័ន្ធមីស៊ីលការពារដែនអាកាសទំនើបៗដ៏ទៃទៀត ជាមួយនឹងល្បឿនដ៏លឿនបំផុតរបស់វា៕