ថ្មីចែស! ចោរម្នាក់លួចអីវ៉ាន់គេខុសបច្ចេកទេស ភ្លេចយកកូនចេញពីកន្លែងកើតហេតុ

អាល្លឺម៉ង់៖ កាលពីប៉ុន្មានថ្ងៃមុននេះ មានករណីបទល្មើស ដ៏ចម្លែកមួយកើតឡើង ដោយចោរប្រុស ស្ទើរភ្លើងម្នាក់ចូលលួចអីវ៉ាន់នៅក្នុងផ្សារទំនើបមួយ បន្ទាប់មក ក៏រត់រួចខ្លួនដោយសុវត្ថិភាព ប៉ុន្តែភ្លាត់ស្នៀតមួយក្បាច់ ដោយភ្លេចយកកូនប្រុសសំណព្វចិត្ត ពីកន្លែងលួចមក ទៅជាមួយខ្លួនផងដែរ។

ដោយឡែក មុនដំបូងបុរសម្នាក់នេះ ហាក់ដូចជាមិនមានគម្រោងការណ៍ឬ គោលបំណងលួចអីវ៉ាន់ពីក្នុងផ្សារទំនើបនោះឡើយ ដោយសារតែរូបលោក បានយកកូនប្រុសមកជាមួយ ប៉ុន្តែប្រហែលជាមនុស្ស ដែលធ្លាប់លួចពីមុនមក ក៏រមាស់ដៃទ្រាំមិនបានក៏លួចអីវ៉ាន់ នៅក្នុងផ្សារទំនើបដែលមានតំលៃត្រឹមតែ ៥ដុល្លារ និង៥០សេនតែប៉ុណ្ណោះ។

បន្ទាប់ពី ទុកកូនប្រុសចោលនៅកន្លែងកើតហេតុរួចមក កម្មពារមិនចាំយូរឡើយ ដោយរូបលោក បានជួបឧប្បត្តិហេតុ ដែលធ្វើឲ្យគាត់ចូលដេកពេទ្យផងដែរ ធ្វើឲ្យប៉ូលីសក៏អាចស្វែងរកបុរសម្នាក់នោះ បានដោយងាយ៕

សូមចូលមើលរូបភាពខាងក្រោម៖