Galaxy S20 Plus BTS Edition មានរូបរាងធម្មតា ប៉ុន្តែមានការដាក់ពណ៌ខុសពីគេ ដោយមកជាមួយពណ៌ស្វាយរួមជាមួយនឹង Logo BTS នៅខាងក្រោយ ថែមទាំងមានរូបបេះដូងពណ៌ស្វាយនៅជាមួយនឹងកាម៉េរាខាងក្រោយផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនមែនជារឿងចំលែកទេសម្រាប់ក្រុមហ៊ុនយក្ស Samsung ក្នុងការផលិតទូរស័ព្ទជាលក្ខណៈ Edition កន្លងមកក៏ធ្លាប់មានផលិតជា Batman Edition ដែលមាន Logo របស់ Batman មកជាមួយ និងធ្លាប់ដាក់ Theme Star Wars មកពីក្នុងប្រអប់ស្រាប់ក៏មាន។ ចំនែក Smartphone ដែលផលិតមកជាលក្ខណៈ Edition នេះគឺ Galaxy S20 Plus BTS Edition ដែលនឹងមកជាមួយ Galaxy Buds Plust មួយគូរផងដែរ ។
Galaxy S20 Plus BTS Edition មានរូបរាងធម្មតា ប៉ុន្តែមានការដាក់ពណ៌ខុសពីគេ ដោយមកជាមួយពណ៌ស្វាយ រួមជាមួយនឹង Logo BTS នៅខាងក្រោយ ថែមទាំងមានរូបបេះដូងពណ៌ស្វាយនៅជាមួយនឹងកាម៉េរាខាងក្រោយផងដែរ ។
Smart Phone លំដាប់កំពូល ដែលជា BTS Edition នេះក៏មកជាមួយនៅ Theme BTS នៅក្នុងទូរស័ព្ទស្រេច រួមទាំងមាន App Weverse ដំឡើងមកក្នុងម៉ាស៊ីនស្រាប់ ដែលជា App Social Media មួយដែលនឹងមានការចែករំលែកគ្នាទៅវិញទៅមករវាងអ្នកគាំទ្រ BTS និងសមាជិកក្រុមផ្ទាល់ផងដែរ ។
គួររំលឹកផងដែរថា BTS Edition Galaxy S20 Plus និង Galaxy Buds Plus នឹងមានដាក់លក់នៅលើ វិបសាយរបស់ Samsung ក៏ដូចជាលើវិបសាយ Amazon នៅថ្ងៃទី ០៩ ខែកក្កដា ខាងមុខនេះដែលជាថ្ងៃពិសេសរបស់អ្នកគាំទ្រ ពោលគឺជាថ្ងៃខួប៧ឆ្នាំនៃការកកើត ARMY ផងដែរ ចំនែកការ Preorders នឹងចាប់ផ្តើមនៅថ្ងៃទី១៩ មិថុនាខាងមុខនេះ៕
ប្រភព ៖ theverge