ថៃ៖ រឿងរ៉ាវស្នេហារបស់តារាសម្ដែងស្រីប្រចាំស្ថានីយ៍ទូរទស្សន៍ថៃប៉ុស្តិ៍លេខ៣ Matt Piranee និងលោក Songkran ដែលត្រូវជាអតីតស្វាមីរបស់តារារៀមច្បង Aff Takasorn គឺជាប្រធានបទដ៏ក្ដៅគគុកមួយ ក្នុងមជ្ឈដ្ឋានអ្នកលេងបណ្ដាញសង្គមអ៊ិនធឺណែត ថ្វីត្បិតតែអ្នកទាំងពីរបានចាប់ផ្ដើមស្នេហាបានយូរគួរសមទៅហើយក្ដី ក៏អ្នករិះគន់នៅតែឆ្លៀតឌឺដងផ្លែផ្កាឥតឈប់ឈរ។ នេះគឺជាមូលហេតុ ដែលធ្វើឲ្យអ្នកទាំងពីរកម្រនឹងបង្ហោះរូបបែបគូស្នេហ៍ជាមួយនឹងគ្នាណាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែអ្វីដែលគួរឲ្យចាប់អារម្មណ៍នៅពេលនេះ បន្ទាប់ពីការសម្រាកឃុំខ្លួននៅផ្ទះ ដើម្បីការពារពីជម្ងឺ កូវីដ១៩ អស់រយៈពេលជាច្រើនខែមក លោក Songkran បានបណ្ដើរគូស្នេហ៍ Matt Piranee ទៅលំហែកាយនៅឯឆ្នេរសមុទ្រ។ ប៉ុន្តែរូបភាពនៃការដើរកម្សាន្តមួយនេះ មិនត្រូវបានលោក Songkran ឬ Matt បង្ហោះនៅលើគណនី Instagram របស់ខ្លួនឡើយ ប៉ុន្តែវាត្រូវបានគេមើលឃើញតាមរយៈការបង្ហោះ Story របស់មិត្តភក្តិ Matt Piranee តែប៉ុណ្ណោះ។ ចំពោះមូលហេតុវិញ អ្នកទាំងអស់គ្នាប្រហែលជាបានដឹងស្រាប់ហើយថា បើសិនជាអ្នកទាំងពីរបង្ហោះនៅលើគណនីផ្ទាល់ខ្លួន ច្បាស់ជាមានក្រុមអ្នករិះគន់ចូលមកខមមិនឌឺដង ឬប្រើប្រាស់ភាសាអសុរោះ ដូចដែលធ្លាប់ធ្វើរាល់ដងជាក់ជាមិនខាន។
សូមទស្សនារូបភាពខាងក្រោម៖
ប្រភព៖ TeeNee