តោះ! មកដឹងពីប្រភេទនៃពួក Hackers នៅជុំវិញពិភពលោក

អ្នកទាំងអស់គ្នាប្រហែលជាធ្លាប់ឮពាក្យថា hacker ខ្លះៗហើយដោយសាតែពាក្យនេះយើងធ្លាប់ឮវានៅក្នុងខ្សែភាពយន្តបច្ចេកវិទ្យា។ ហើយ hacker គាត់គឺជាអ្នកជំនាញខ្ពស់ទាក់ទងទៅនឹង Computer និងប្រព័ន្ធបច្ចេកវិទ្យា។ ហើយខ្ញុំចង់ឱ្យអ្នកទាំងអស់គ្នាស្គាល់នូវ​ប្រភេទនៃពួក Hacker នៅជុំវិញពិភពលោកគឺ Black Hat Hackers, White Hat Hackers,​ Grey Hat Hackers សំដៅទៅលើទំនាក់ទំនងរវាងពួក Hacker និងប្រព័ន្ធដែលពួកគេកំពុងវាយប្រហារ។

១. Black Hat Hackers

ពាក្យថា Black Hat មានដើមកំណើតមកពីខ្សែភាពយន្តលោកខាងលិច bad guys ពាក់មួកខ្មៅ និង good guysពាក់មួកស។ Black Hat Hackers គឺជាបុគ្គលម្នាក់ដែលព្យាយាមចូលទៅក្នុងប្រព័ន្ធឬបណ្តាញដោយគ្មានការអនុញ្ញាតដើម្បីកេងចំណេញ ឬដើម្បីហេតុផលណាមួយ។

ក្រុម hacker ពុំមានអ្វីមួយដើម្បីធ្វើការសម្របសម្រួលគោលដៅរបស់ពួកគេឡើយ។ ពួកគេព្យាយាមធ្វើឱ្យខូចខាតដល់ប្រព័ន្ធសុវត្ថិភាព ការផ្លាស់ប្តូរមុខងារ websites និង netwroks ឬក៏​ បិទប្រព័ន្ធ ឱ្យឈប់ដំណើរការ ឬអ្វីៗផ្សេងៗទៀតតាមដែលពួកគេចង់ និងអាចធ្វើទៅបាន។ ជារឿយៗពួកគេធ្វើដូច្នេះដើម្បីលួចឬចូលប្រើពាក្យសម្ងាត់ ដើម្បីដឹងពីព័ត៌មានហិរញ្ញវត្ថុ និងទិន្នន័យផ្ទាល់ខ្លួនរបស់នរណាម្នាក់ផ្សេងទៀត។

២. White Hat Hackers

ម្យ៉ាងវិញទៀតពួក White Hat Hackers ត្រូវបានគេចាត់ទុកថាជាមនុស្សល្អធ្វើការជាមួយស្ថាប័នដើម្បីពង្រឹងសន្តិសុខនៃប្រព័ន្ធមួយ​ហើយ White Hat Hackers​ មានការអនុញ្ញាតឱ្យចូលរួមក្នុងគោលដៅពង្រឹងនិងសម្របសម្រួល។

ពួក White Hat Hacker ច្រើនតែត្រូវបានគេហៅថាជាពួក Hacker ដែលមានក្រមសីលធម៌។​ បុគ្គលនេះមានជំនាញខាងឧបករណ៍បច្ចេកទេស និងវិធីសាស្រ្តដើម្បីធានាដល់ប្រព័ន្ធព័ត៌មានរបស់អង្គភាពនានា។ មិនដូចពួក​ Black Hat Hackers ទេ​ ​ពួក White hat hacker ជា​ hacker ដែលមានក្រមសីលធម៌ក្នុងការកេងចំណេញលើបណ្តាញសន្តិសុខ ហើយពួកគេត្រូវបានអនុញ្ញាតដោយស្របច្បាប់។

ក្រុម White Hat Hacker តែងតែលាតត្រដាងនូវភាពងាយរងគ្រោះដែលពួកគេរកឃើញនៅក្នុងប្រព័ន្ធ សន្តិសុខរបស់ក្រុមហ៊ុន ដូច្នេះវាអាចត្រូវបានជួសជុលមុនពេលពួកគេត្រូវបានវាយប្រហារដោយ Black Hat Hackers។ ហើយមានក្រុមហ៊ុនប្រហែលកជា ៥០ ដូចជា Facebook Microsoft និង Google ក៏ប្រើពួក White Hat Hacker ដែរ។

៣. Grey Hat Hackers

Grey Hat Hackers ធ្វើអាជីវកម្មលើ networks និង computer systems តាមរបៀបដែល Black Hat Hackers ធ្វើប៉ុន្តែធ្វើដោយគ្មានចេតនាបង្កមហន្តរាយនោះទេ ពួកគេគ្រាន់បង្ហាញពីចន្លោះប្រហោងនិងភាពងាយរងគ្រោះទាំងអស់ទៅភ្នាក់ងារពង្រឹងច្បាប់ ឬភ្នាក់ងារស៊ើបការណ៍សម្ងាត់។

ជាធម្មតាពួក Grey Hat Hackers hacker ចូលក្នុងប្រព័ន្ធ Computer ដើម្បីជូនដំណឹងដល់អ្នកគ្រប់គ្រងឬម្ចាស់ប្រព័ន្ធ ថាប្រព័ន្ធរបស់ពួកគេផ្ទុកនូវភាពងាយរងគ្រោះណាមួយដែលត្រូវតែជួសជុលភ្លាមៗ ហើយពួកគេក៏គិតថ្លៃសេវាលើការរកឃើញបញ្ហា​និងការជួសជុលទាំងនោះ៕