ប្រទេសថៃ៖ ស្ត្រីជនជាតិថៃ ដែលមានអាយុ ៤០ឆ្នាំម្នាក់ កំពុងទទួលបានការចាប់អារម្មណ៍យ៉ាងខ្លាំងនៅលើបណ្តាញសង្គមអាស៊ី ដោយសាតែយុទ្ធសាស្ត្រដ៏ប៉ិនប្រសប់របស់នាងក្នុងការលក់សម្លៀកបំពាក់ជជុះតាមអនឡាញ។ ដោយសារតែសម្លៀកបំពាក់ភាគច្រើនដែលនាងលក់ គឺបានមកពីមនុស្សដែលបានបាត់បង់ជីវិត ហើយនាងបានសម្រេចចិត្តសម្តែងជាខ្មោចឆៅក្នុងអំឡុងពេល Live វីដេអូលក់ លើបណ្ដាញសង្គមអនឡាញ។ នេះបើតាមប្រភពព័ត៌មានពី Oddity Central។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សKanittha Thongnak មានអាយុ៤០ឆ្នាំ បានលក់ខោអាវជជុះនៅតាមដងផ្លូវនៅ Chon Daen ភាគខាងជើងប្រទេសថៃ អស់រយៈពេល៣ឆ្នាំ។ តែដោយសារតែការបិទផ្សារ ព្រោះកូវីដ១៩ នាងត្រូវខកខានមិនបានរកប្រាក់ចំណូលដូចពីមុន។ ហើយនាងក៏សម្រេចចិត្តតែងខ្លួនធ្វើខ្មោច ហើយ Live វីដេអូលក់ខោអាវដែលសល់ពីមនុស្សដែលបានបាត់បង់ជីវិតតែម្ដង ។ បន្ទាប់ពីនេះ នាងត្រូវបានទទួលការចាប់អារម្មណ៍យ៉ាងខ្លាំងពីមហាជនក្នុងបណ្ដាញសង្គមហ្វេសបុក។
ក្នុងរយៈពេលតែ ៥ថ្ងៃប៉ុណ្ណោះ ការ Live វីដេអូ លក់លើអនឡាញ នាងបានទទួលការចាប់អារម្មណ៍ពីមហាជនជាច្រើនរហូតដល់ជាង ៤ពាន់នាក់។ នាងទទួលស្គាល់ថា វាពិតជាប្រសើរជាងការលក់ពីមុនៗឆ្ងាយណាស់។
គួរបញ្ជាក់ផងដែរថា ខោអាវជជុះដែលនាងយកមកលក់នេះ គឺយកមកពីការដេញថ្លៃពីអ្នកបូជាសព ព្រោះតែពួកគេជាអ្នកសម្អាតសម្លៀកបំពាក់របស់អ្នកបាត់បង់ជីវិត។ នាងបានបន្ថែមទៀតថា ការតែងខ្លួនលក់ខុសគេនេះ គឺមិនមានអ្វីគួរឱ្យខ្មាស់គេទេ អ្វីដែលសំខាន់ គឺនាងត្រូវរកអង្ករច្រកឆ្នាំង៕
សូមទស្សនាវីដេអូខាងក្រោម៖