ហ្វេនៗចង់លើសជាតិស្ករ! ម្ដងនេះ សួស វីហ្សា និងស្វាមី កាន់តែស្វីត លើឆ្នេរសមុទ្រ

ខេត្តព្រះសីហនុ៖ ចាប់តាំងពីរៀបការរួចមក តារាចម្រៀងស្រីល្បីឈ្មោះ អ្នកនាង សួស វីហ្សា និងតារាសម្ដែងប្រុស លោក ថមមី ត្រូវបានហ្វេនៗជាច្រើន ធ្វើការតាមដានឥតឈប់ឈរ ពីជីវិតប្ដីប្រពន្ធរបស់អ្នកទាំងពីរ ដែលតែងតែបង្ហាញពីក្ដីសុខ ព្រមទាំងភាពល្អូកល្អើន ក្នុ្ងងគ្រួសារ ឲ្យហ្វេនៗបានទស្សនាជានិច្ច ។

មិនត្រឹមតែប៉ុណ្ណោះ បន្ទាប់ពីតារាស្រីរូបនេះមានផ្ទៃពោះ ស្វាមីរបស់នាង កាន់តែមានការយកចិត្តទុកដាក់ ថ្នាក់ថ្នម និងមើលថែរក្សានាងឲ្យបានល្អ គ្មានឲ្យទាស់ចិត្តបន្តិចណាសោះ ថែមទាំងលះបង់កម្លាំងកាយចិត្ត ដើម្បីភរិយា ជាទីស្រលាញ់  ដែលធ្វើឲ្យមនុស្សជាច្រើនចូលមកសរសើរគ្រប់ៗគ្នាតែម្ដង។

លើសពីនេះទៅទៀត ថ្មីៗនេះ អ្នកនាង សួស វីហ្សា រឹតតែធ្វើឲ្យហ្វេនៗកាន់តែច្រណែន ជាមួយនឹងរូបភាពប៉ុន្មានសន្លឹក ដែលបានបង្ហោះនៅលើបណ្ដាញសង្គម​ ដែលបានបង្ហាញពីសកម្មភាព ដំណើរកម្សាន្តដ៏រ៉ូមែនទិកទៅកាន់ឆ្នេរសមុទ្រ ជាមួយនឹងស្វាមី ម៉្យាងវិញទៀតអ្នកទាំងពីរ ថែមទាំងបង្ហាញពីសកម្មភាពដ៏ផ្អែមល្ហែម ដែលជារូបភាពថើបគ្នា យ៉ាងល្អូកល្អើន ពោរពេញដោយក្ដីស្រលាញ់ ដែលគ្រប់គ្នា បានឃើញហើយស្ទើរតែលើសជាតិស្ករថែមទៀតផង៕

ប្រភព៖ Mrr Phing

សូមទស្សនារូបភាពខាងក្រោម៖