គ្នាយើងដែលចូលចិត្តកាច់ម្រាមដៃអាចនឹងត្រូវចាស់ៗហាមមិនឲ្យកាច់នោះទេ ដោយចាស់ៗអាចប្រាប់ថានឹងធ្វើឲ្យខូចម្រាមដៃបាន។ មនុស្សមួយចំនួនក៏ជឿថាការកាច់ម្រាមដៃអាចនឹងបង្កឲ្យមានជំងឺរលាកសន្លាក់។ តើការកាច់ម្រាមដៃបង្កបញ្ហាដល់យើងដែរឬយ៉ាងណា?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវេជ្ជបណ្ឌិត Mala Kaul អ្នកឯកទេសជំងឺរលាកសន្លាក់បានប្រាប់ថានៅពេលកាច់ម្រាមដៃ យើងគ្រាន់តែបញ្ចេញខ្យល់ពីសន្លាក់ឆ្អឹងប៉ុណ្ណោះ។ នៅចន្លោះសន្លាក់ម្រាមដៃយើងមានសារធាតុរាវ synovial ដែលជួយឲ្យម្រាមដៃរបស់យើងធ្វើចលនាតាមទិសដៅផ្សេងៗដោយមិនបង្កការឈឺចាប់ឡើយ។ ក្នុងសារធាតុរាវនេះអាចនឹងមានពពុះខ្យល់ ហើយនៅពេលយើងកាច់ម្រាមដៃក៏មានសំឡេងលាន់ឡើង នេះមកពីការបែកនៃពពុះខ្យល់ទាំងនោះ។
ការកាច់ម្រាមដៃនេះគឺមិនមានបង្កគ្រោះថ្នាក់អ្វីទេ តែអាចជួយឲ្យម្រាមដៃរបស់យើងមានអារម្មណ៍ធូរស្បើយទៅវិញ។ ប៉ុន្តែបើកាច់ម្រាមដៃហើយ យើងមានការឈឺចាប់ ឬហើមនៅសន្លាក់យកល្អគួរបញ្ឈប់ការកាច់ម្រាមដៃ និងពិគ្រោះជាមួយគ្រូពេទ្យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T