ភ្នំពេញ៖ កញ្ញា រ៉េត ស៊ូហ្សាណា តារាចម្រៀងស្រីវ័យក្មេងកំពុងពេញរូបសម្រស់ស្រស់ស្អាតក្នុងវ័យ១៩ឆ្នាំ នៅតែសាងប្រជាប្រិយភាពឱ្យកើនឡើងពីមួយថ្ងៃទៅមួយថ្ងៃមិនថមថយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអតីតបេក្ខជន «The Voice Cambodia» រូបនេះ ហាក់បានបង្កើនសមត្ថភាពរបស់ខ្លួន អមជាមួយនឹងទឹកដមសម្លេងដែលមានស្រាប់ពីកំណើត។ គេហាក់សង្កេតឃើញថា រ៉េត ស៊ូហ្សាណា ហាក់មានទីផ្សារខ្ពស់ក្នុងវិស័យសិល្បៈ ដោយនាងតែងមានបទចម្រៀងថ្មីៗជាច្រើនបទ ថែមទាំងចេញមុខតាមកម្មវិធីនានាជាញឹកញាប់ ជាមួយនឹងការថតស្ពតពាណិជ្ជកម្មផ្សេងៗយ៉ាងច្រើនផងដែរ។
ដោយឡែកមុននេះបន្តិចបទចម្រៀងថ្មីមួយបទរបស់នាង ហាក់ទទួលបានការគាំទ្រជាខ្លាំងពីសំណាក់បងប្អូនប្រិយមិត្ត ដោយបទថ្មីនេះមានចំណងជើងថា «សង្ស័យ» បង្កប់អត្ថន័យចាក់ដោតខ្លាំង ត្រូវចំអារម្មណ៍យុវវ័យ ធ្វើឲ្យបទនេះទទួលបានការស្តាប់ និងចែករំលែកយ៉ាងច្រើនដង៕
តោះមកស្តាប់បទថ្មី «សង្ស័យ» របស់តារាចម្រៀងស្រីវ័យក្មេងកញ្ញា រ៉េត ស៊ូហ្សាណា ដូចខាងក្រោមនេះទាំងអស់គ្នា៖