កូរ៉េខាងត្បូង៖ កាលពីពេលថ្មីៗកន្លងទៅនេះ ស្រាប់តែលេចលឺ ពាក្យចចាមអារ៉ាមមួយពាក់ព័ន្ធនឹងAmber សមាជិកក្រុមF(x) ចែករំលែកយ៉ាងច្រើន លើបណ្តាញសង្គមថា កំពុងតែសម្ងំលាក់ខ្លួនពរពោះ ហើយត្រៀមនឹងផ្តល់កំណើត នៅអំឡុងខែកញ្ញា ខាងមុខនេះផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បន្ទាប់ពីមានការចែករំលែក ពាក្យចចាមអារ៉ាមដ៏ច្រើនបែបនោះហើយ ភ្លាមៗនោះAmber ក៏ចេញមុខឆ្លើយតប ទៅកាន់អ្នករិះគន់ខ្លួន ជាមួយCaption “F*** off” រួមនឹងអត្ថន័យបកស្រាយ បែបនេះថា៖
ខ្ញុំគ្មានផ្ទៃពោះនោះទេ។ បើសិនជាអ្នកចង់ដឹងការពិត សូមឈប់វិនិច្ឆ័យអ្នកដទៃ ដោយមិនបានគិតអំពីស្ថានភាព របស់ពួកគេទៀត។ ខ្ញុំធ្លាប់បាននិយាយ មករួចហើយថា ខ្ញុំមិនល្អឥតខ្ចោះ ដូចអ្នកគ្រប់គ្នាគិតនោះទេ ហើយក៏មិនមែន មិនធ្លាប់មានកំហុសដែរ។ ខ្ញុំពិតជាមានអារម្មណ៍ថា ខុសនៅគ្រប់ពេលដែល ខ្ញុំនិយាយសុំទោស ហើយខ្ញុំក៏តែងតែព្យាយាម ធ្វើឲ្យបានល្អប្រសើរជាងមុន។.... ខ្ញុំមិនចាប់អារម្មណ៍ថា អ្នកគិតយ៉ាងបែបណា មកលើខ្ញុំនោះទេ។ រាល់ថ្ងៃនេះខ្ញុំពិតជារវល់ និងជីវិតរបស់ខ្ញុំខ្លាំងណាស់។ ដូច្នេះប្រសិនបើអ្នក មិនចូលចិត្ត ឬជឿមកលើខ្ញុំទេនោះ សូមឈប់តាមដានខ្ញុំទៅ។ ឈប់មកចំណាយពេល របស់ខ្ញុំតទៅទៀត។
គួរបញ្ជាក់ផងដែរថាAmber កើតនៅក្នុងឆ្នាំ១៩៩២ ហើយបង្ហាញខ្លួនដំបូង នៅក្នុងក្រុមចម្រៀងនារីF(x) កាលពីឆ្នាំ២០០៩។ ក្នុងពេលដែលបង្ហាញខ្លួនដំបូងAmber បានទទួលការចាប់អារម្មណ៍យ៉ាងច្រើនពី អ្នកគាំទ្រដោយសារតែ ការបង្ហាញខ្លួនជាTomboy ហើយរហូតមកទល់ពេលបច្ចុប្បន្ននេះ គេក៏សង្កេតឃើញថាAmber គឺជាសមាជិកក្នុងក្រុមមួយរូប ដែលទទួលបានភាពជោគជ័យយ៉ាងខ្លាំង នៅលើទីផ្សារអន្តរជាតិផងដែរ៕
Bong I.T