ឡាវ៖ អ្នកជំងឺ COVID-១៩ ពីរនាក់ទៀតត្រូវបានអនុញ្ញាតអោយចេញពីមន្ទីរពេទ្យ Mittaphab នៅទីក្រុងវៀងចន្ទន៍ ខណៈមាននៅសល់តែអ្នកជំងឺម្នាក់ទៀតប៉ុណ្ណោះកំពុងសម្រាកព្យាបាលបន្ត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគណៈកម្មាធិការជាតិសម្រាប់ការការពារនិងត្រួតពិនិត្យ ជំងឺ COVID-១៩ បានប្រកាសថាករណីទី ១០ និងករណីទី ១៧ ត្រូវបានត្រូវបានអនុញ្ញាតអោយចេញពីមន្ទីរពេទ្យបន្ទាប់ពីការធ្វើតេស្ត បង្ហាញលទ្ធផលអវិជ្ជមានជាប់គ្នាពីរដង។
ក្នុងរយៈពេលប៉ុន្មានខែចុងក្រោយនេះអ្នកជម្ងឺ COVID-១៩ សរុបចំនួន ១៨ នាក់ត្រូវបានអនុញ្ញាតអោយចេញពីមន្ទីរពេទ្យ Mittaphab និងមន្ទីរពេទ្យ Luang Prabang Provincial ។
គិតត្រឹមថ្ងៃនេះប្រទេសឡាវ បានអនុវត្តការធ្វើតេស្តទៅលើមនុស្សសរុបចំនួន ៦,៩២៨ នាក់ ហើយបានរកឃើញអ្នកមានឆ្លងជម្ងឺ COVID-១៩ តែ ១៩ ករណីប៉ុណ្ណោះ។
ជាការកត់សម្គាល់ រយៈពេល ៥២ ថ្ងៃជាប់ៗគ្នាហើយដែលប្រទេសឡាវមិនបានមានករណីឆ្លងថ្មីនៃជម្ងឺ COVID-១៩ ដោយសារមូលហេតុនៃវិធានការណ៍ដំបូងរបស់រដ្ឋាភិបាលឡាវ។ ទន្ទឹមនឹងនេះដែរប្រទេសឡាវបានចាប់ផ្តើមបន្ធូរបន្ថយវិធានការបិទទ្វារ និងអនុញ្ញាតឱ្យមានវិស័យ ជាច្រើនបើកដំណើរការឡើងវិញនៅពេលដែលប្រទេសផ្លាស់ប្តូរទៅរកភាពប្រក្រតីថ្មី៕
ប្រភព៖ The Laotian Times