ចិន៖ ប្រព័ន្ធផ្សព្វផ្សាយរដ្ឋចិនបានប្រកាសថា ប្រទេសចិននឹងចាប់ផ្តើមដំណើរការស្វែងរកជីវិតក្រៅភព ដោយការប្រើប្រាស់តេឡេស្កូបដ៏មហិមា ដែលមានទីតាំងស្ថិតនៅក្នុងខេត្តគួយចូវ ភាគនិរតីប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតេឡេស្កូបយក្ស ដែលមានមុខកាត់៥០០ម៉ែត្ររបស់ចិននេះ មានឈ្មោះថា FAST វាត្រូវបានដាក់ឱ្យដំណើរការសាកល្បងកាលពីខែមករា ហើយក្នុងការដាក់សាកល្បងនោះដែរ វាបានអង្កេតឃើញតារា Pulsar (តារាដែលមានលក្ខណៈកញ្ជ្រោល) ចំនួន ៩៩ រួចមកហើយ។
FAST គឺជាតេឡេស្កូបធំជាងគេលើលោក ដែលវាត្រូវបានផលិតឡើងដោយប្រើពេលអស់ជាច្រើនឆ្នាំ នឹងចប់រួចរាល់កាលពីឆ្នាំ ២០១៦ ហើយនៅទីបំផុត ប្រទេសចិនគ្រោងនឹងប្រើតេឡេស្កូបដ៏មហិមាមួយនេះ ក្នុងបេសកកម្មស្វែងរកជីវិតក្រៅភពនៅខែកញ្ញា។
គួរឱ្យដឹងផងដែរថា ប្រទេសចិនបាននឹងកំពុងខិតខំអភិវឌ្ឍកម្មវិធីអវកាសរបស់ខ្លួនជាបន្តបន្ទាប់ ក្នុងគោលបំណងសម្រេចមហិច្ឆតារបស់ខ្លួននៅលើផ្នែកអវកាសនៅពេលខ្លីខាងមុខ។ ហើយកាលពីពេលថ្មីៗនេះដែរ ប្រទេសចិនបានប្រកាសថា ខ្លួនគ្រោងនឹងបញ្ជូនយានរុករកទៅកាន់ភពព្រះអង្គារនៅខែក្រោយនេះ៕