បរទេស៖ ខណៈពេលដែលមហាជនជាច្រើនចេញមកធ្វើបាតុកម្មតវ៉ា រឿងរបស់ បុរសជនជាតិស្បែកខ្មៅ លោក George Floyd ដែលបានបាត់បង់ជីវិត ដោយសារតែមន្រ្តីប៉ូលីសយកជើងសង្កត់ក. បានធ្វើឲ្យកើតជាភាពចលាចល ព្រមទាំងមានអំពើហិង្សាយ៉ាងខ្លាំង ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម៉្យាងវិញទៀត នៅក្នុងការធ្វើបាតុកម្មនេះ មនុស្សមួយចំនួន បាននាំគ្នាដុតបំផ្លាញ ព្រមទាំងចូលទៅកម្ទេច និងចូលទៅលួចរបស់របរ នៅក្នុងហាងល្បីៗជាច្រើន ស្ទើរតែគ្មានសល់ លើសពីនេះទៅទៀត សូម្បីតែហាងលក់ទំនិញរបស់ខ្មែរមួយចំនួន ក៏ត្រូវបានពួកគេវាយកម្ទេច ដែលធ្វើឲ្យមានការខូចខាតយ៉ាងច្រើន ថែមទៀតផង។
ដោយឡែក ដោយសារតែមានអំពើហិង្សា វាយកម្ទេចនិងចូលលួចប្លន់បែបនេះ បានធ្វើឲ្យពលរដ្ឋខ្មែរម្នាក់ដែលកំពុងតែរស់នៅក្នុងទីក្រុងឡុងប៊ិច សហរដ្ឋអាមេរិក ចេញមកបង្ហាញពីក្ដីព្រួយបារម្មណ៍ ពីការបាត់បង់ទ្រព្យសម្បត្តិ និងសុវត្ថិភាព របស់ពលរដ្ឋខ្មែរជាច្រើនដែលរស់នៅទីនោះ ខណៈពេលនេះដែរ នៅតែមានភាពចលាចល ជាពិសេស ជនឆ្លៀតឱកាសមួយចំនួន នៅតែប៉ុនប៉ង ដើម្បីចូលមកកម្ទេចបំផ្លាញ និងលួចយករបស់របររបស់ពលរដ្ឋ ផងដែរ៕
ប្រភព៖ ទូរទស្សន៍ជាតិកម្ពុជា ទទក - TVK
សូមទស្សនារូបភាព និង វីដេអូ ខាងក្រោម៖