សហរដ្ឋអាមេរិក៖ សាខាក្នុងតំបន់នៃស្ថានីយទូរទស្សន៍ NBC បានរាយការណ៍ថា មនុស្សចំនួន ១៦ នាក់ត្រូវបានសម្លាប់ និងយ៉ាងហោចណាស់ ៣០នាក់ផ្សេងទៀតបានរងរបួសនៅក្នុងហេតុការណ៍បាញ់ប្រហារនៅទីក្រុងឈីកាហ្គោ សហរដ្ឋអាមេរិក ក្នុងរយៈពេល ៣ថ្ងៃចុងក្រោយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សករណីស្លាប់ដំបូងក្នុងការបាញ់ប្រហារត្រូវបានចុះបញ្ជីកាលពីថ្ងៃសុក្រ វេលាម៉ោងប្រមាណ ១២:៤១ នាទី (ម៉ោងក្នុងស្រុក) ខណៈដែលឧប្បត្តិហេតុចុងក្រោយត្រូវបានចុះបញ្ជីនៅវេលាម៉ោង ១:៤១នាទី រសៀល (ម៉ោងក្នុងស្រុក) កាលពីថ្ងៃអាទិត្យ។
យោងតាមចម្លើយបានឱ្យដឹងថា ឧប្បត្តិហេតុមួយក្នុងចំណោមឧប្បត្តិហេតុពាក់ព័ន្ធទាំងនោះ គឺការបាញ់ប្រហារមួយដែលបានសម្លាប់បុរសពីរនាក់ដែលស្ថិតនៅក្នុងរថយន្ត។ ពួកគេត្រូវបាន គេបាញ់ចំក្បាល និងបានប្រកាសថា ស្លាប់នៅនឹងកន្លែង។
ឧប្បត្តិហេតុបាញ់ប្រហារកើតឡើងនៅពេលដែលទីក្រុងនេះ ត្រូវបានដាក់នៅក្រោមបម្រាមគោចរ ដែលត្រូវបានដាក់ចេញដោយសារលទ្ធផលនៃបាតុកម្មឆ្លើយតបទៅនឹងមរណភាពរបស់លោក George Floyd ។
បាតុករដែលបានស្លាប់ គឺជាបុរសជនជាតិស្បែកខ្មៅម្នាក់អាយុ ៤៦ឆ្នាំ មានឈ្មោះ George Floyd ដែលបាតុករស្លាប់ដំបូងគេនៅក្នុងទីក្រុង Minneapolis ហើយឥឡូវនេះបានធ្វើឱ្យមានការ ច្របូក ច្របល់ ចូលកម្ទេច លួចទំនិញនៅតាមហាង និងការដុតស្ថានីយប្រេងឥន្ធនៈនៅទូទាំងប្រទេស។
គួរបញ្ជាក់ផងដែរថា លោក George Floyd បានស្លាប់បន្ទាប់ពីត្រូវបានមន្ត្រីនគរបាលចាប់ឃាត់ខ្លួន សង្កត់ខ្ទប់ទៅលើដី ធ្វើឱ្យថប់ដង្ហើមរហូតដល់ស្លាប់៕
ប្រភព៖ Sputnik news