នៅថ្ងៃ ០២ មិថុនាកន្លងទៅនេះ អង្គការសុខភាពពិភពលោក World Health Organization (WHO) បានបញ្ជាក់ថា វីរុសកូវីដ-១៩ នៅមិនទាន់បន្ថយឥទ្ធិពលនៃការឆ្លងនៅឡើយទេ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអង្គការសុខភាពពិភពលោកបានអះអាងបែបនេះ បន្ទាប់ពីគ្រូពេទ្យអ៊ីតាលីដ៏ល្បីម្នាក់បានអះអាងថាកូវីដ ១៩ ទំនងជាបានថមថយកម្លំាងរបស់វាហើយ។ តែជាការកត់សម្គាល់ WHO បានចេញមុខច្រានចោល ដោយនាយកផ្នែកស្ថានភាពអាសន្នរបស់អង្គការសុខភាពពិភពលោក បានប្រាប់អ្នកកាសែតតាមអនឡាយថាការលើកឡើងបែបនេះ មិនត្រូវទេ ។
យ៉ាងណាការអះអាងរបស់គ្រូពេទ្យអ៊ីតាលីនោះ បានធ្វើឲ្យមានប្រតិកម្មយ៉ាងខ្លំាងដោយរដ្ឋាភិបាលអ៊ីតាលីបានអំពាវនាវឲ្យមានការប្រុងប្រយ័ត្ន ។
គួររំឭកថា កូវីដ១៩ បានផ្ទុះឡើងនៅចុងឆ្នាំ២០១៩ ហើយមកដល់បច្ចុប្បន្នវីរុសនេះ នៅតែជាក្តីកង្វល់របស់ប្រទេសជាច្រើនលើពិភពលោក។ ជាក្តីកង្វល់ព្រោះថា បើទោះបីកន្លងមកមានករណីឆ្លង និងស្លាប់មានការថយចុះខ្លះក៏ដោយ ប៉ុន្តែមន្ត្រីសុខាភិបាលរបស់ WHO ជាបន្តបន្ទាប់បានព្រមានពីហានិភ័យនៃរលកទី២ បើពលរដ្ឋមានការធ្វេសប្រហែស៕