បែប​ហ្នឹង​​សោះ​​ ទើបតារា​ស្រី​​ចិន ជប៉ុន និង​កូរ៉េ ចូល​ចិត្ត​កាត់​​សក់​​ខ្លី​!

មិត្តនារីៗមួយចំនួនធំ ច្រើនតែចូលចិត្តទុកសក់វែង ដោយហេតុគិតថា ម៉ូតសក់ខ្លីគឺ​មើលទៅ​រៀង​ចំណាស់ មិនសូវស្អាត តែផ្ទុយទៅវិញ ទិដ្ឋភាពទាំងនេះបង្ហាញថា មតិទាំងនោះគឺខុសស្រឡះ​ពី​ការពិត។

ម៉ូតសក់ខ្លីនាពេលបច្ចុប្បន្ន គឺត្រូវបានគេពេញនិយមទាំងក្មេង ទាំងចាស់ ដោយអ្នកខ្លះកាត់ខ្លី ហើយ​ថែមទាំងលាបថ្នាំពណ៌ និងអ៊ុតជាផ្កាអង្គាដី និងម៉ូតផ្សេងទៀត ទៅតាមចំណង់ចំណូល​ចិត្តរបស់​ពួកគេរៀងៗខ្លួន ដែលមើលទៅពិតជាគួរឲ្យស្រឡាញ់ និងទាក់ទាញថែមទៀតផង។

ការកាត់សក់ខ្លីគឺត្រូវបានពេញនិយមនៅតាមបណ្ដាប្រទេសមួយចំនួន ដូចជា ប្រទេសចិន ជប៉ុន និងកូរ៉េ ជាដើម ព្រោះវាងាយស្រួលថែទាំ និងមិនចំណាយពេលយូ ក្នុងការសិត កក់ និង ផ្លុំឲ្យ​ស្ងួត​បន្ទាប់ពីងូតទឹករួច ដូចសក់វែង។ ហើយកាន់តែពិសេសជាងនេះទៅទៀតនោះ ការកាត់សក់ខ្លី គឺធ្វើឲ្យពួកគេមើលទៅគួរឲ្យស្រឡាញ់ និងក្មេងជាងវ័យទៀតផង។

ការកាត់សក់ខ្លី មិនចេះតែកាត់នោះទេ គឺយើងត្រូវមានតិចនិកកាត់ដូចជា៖

១. កាត់ធ្វើម៉េចឲ្យសមនឹងទម្រង់មុខរបស់យើង

២. ត្រូវគិតប្រវែងថាកាត់ត្រឹមណាស្អាត ត្រឹមក ត្រឹមស្មា ឬក្រោមបន្តិច

៣. ទុកសក់សេះខាងមុខ ឬឌឺមី ដែលមើលទៅកាន់តែគួរឲ្យខ្នាញ់

៤. លាប ឬ ហាយឡាយពណ៌ផ្សេងៗ ទៅតាមចំណង់ចំណូលចិត្តរៀងៗខ្លួន

៥. អ៊ុតសក់ អង្គាដី និងចងពាក់កណ្ដាល ជាការស្រច។

ខាងក្រោមនេះ ជាម៉ូតសក់ស្អាតៗ ពេញនិយមរបស់តារាបរទេសដែលមើលទៅគួឲ្យទាក់ទាញ៖