កូរ៉េខាងត្បូង៖ តារាចម្រៀងកូរ៉េខាងត្បូងដ៏ល្បីឈ្មោះ Kim Jennie ដែលត្រូវជាសមាជិករបស់ក្រុម Blackpink នៅមួយរយៈពេលចុងក្រោយនេះ ត្រូវបានគេចាត់ទុកថាជារាជិនីស៊ែលហ្វីមួយរូប ដោយសារតែតារាចម្រៀងរូបស្រស់សោភារូបនេះ តែងតែថតរូបស៊ែលហ្វីស្អាតៗ ហើយបង្ហោះលើ Instagram ជារឿយៗ។ ក្រៅពីរូបស៊ែលហ្វី សូម្បីតែរូបថតធម្មតា ក៏ទទួលបានការគាំទ្រមិនតិចនោះទេ ពីសំណាក់ហ្វេនៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែរឿងដែលគួរឲ្យហួសចិត្តបំផុតនោះ Kim Jennie បានបង្ហោះរូបភាពចំនួនពីរសន្លឹក រូបទីមួយ នាងបានលើកម្រាមដៃពីរ នៅលើដៃសងខាង ស្មើនឹងលេខ៤ រីឯរូបទីពីរ នាងបានលើកម្រាមដៃពីរ តែនៅលើដៃម្ខាងប៉ុណ្ណោះ ស្មើនឹងលេខ២ ស្រាប់តែមានអ្នកគាំទ្ររបស់ Jennie នៅប្រទេសថៃមួយចំនួន យករូបភាពទាំងពីរសន្លឹករបស់នាង ទៅកាត់ជាលេខឆ្នោត ត្រូវនឹងលេខ៤២ ។ រឿងដែលកាន់ តែនឹកស្មានមិនដល់ទៀតនោះ លទ្ធផលឆ្នោតជាតិរបស់ថៃគឺពិតជាចេញលេខ៤២ មែន ជាហេតុធ្វើឲ្យអ្នកគាំទ្រភ្ញាក់ផ្អើលគ្រប់គ្នា និងបានបង្ហោះរូបភាព Jennie ពេញ Twitter ថានាងគឺពិតជាតារានាំសំណាងប្រាកដមែន។
ក៏ប៉ុន្តែ ការលេងឆ្នោតដែលជាល្បែងស៊ីសងបែបនេះ មិនមែនជារឿងមួយគប្បីនោះទេ ហើយប្រហែលជា Jennie ក៏មិនចង់ឲ្យហ្វេនរបស់ខ្លួនលេងវានោះដែរ៕
សូមទស្សនារូបភាពខាងក្រោម៖
ប្រភព៖ TeeNee