ទីបំផុតក្រុមហ៊ុន YG Entertainment ដែលជាទ្រនំរបស់ក្រុមតារាចម្រៀងស្រី BLACKPINK ព្រមបញ្ចេញនូវព័ត៌មានបន្ថែមទៀតអំពីគម្រោងបញ្ចេញបទបម្រៀងទោលរបស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសារដែលត្រូវបានបង្ហោះនៅលើវេបសាយរបស់ពួកគេ បានបញ្ជាក់ថាគម្រោងចេញនូវបទចម្រៀងទោលរបស់ Rosé នឹងត្រូវបញ្ចេញមុនគេ បន្ទាប់ពីអាល់ប៊ូមថ្មីរបស់ BLACKPINK បានចេញជាផ្លូវការ ដោយអត្ថន័យនៅក្នុងសារនោះគឺបានរៀបរាប់ថា៖
«YG ធ្លាប់បានបញ្ចេញនូវបទចម្រៀងទោលរបស់ JENNIE ដែលមានចំណងជើងថា ‘SOLO’ កាលពីឆ្នាំ២០១៨។ ពួកយើងពិតជាសុំឲ្យអ្នកគាំទ្រយល់ថា ការបញ្ចេញនូវបទចម្រៀងគឺវាត្រូវការពេលយូរជាងការគិត ព្រោះយើងមានបទចម្រៀងជាច្រើនដែលត្រូវចេញជាអាល់ប៊ូម ជាជាងចេញជាបទចម្រៀងទោល។ បទចម្រៀងទោលរបស់ Rosé បានធ្វើរួចរាល់ហើយ ចំពោះថ្ងៃដែលនឹងត្រូវបញ្ចេញគឺបានគ្រោងថានឹងចេញនៅក្នុងខែ កញ្ញា បន្ទាប់ពីអាល់ប៊ូមរបស់ BLACKPINK បានចេញរួច និងដោយសារតែវាជាការយល់ព្រមរបស់សមាជិកក្រុម ទាំងមូល ដែលចង់ត្រឡប់មកជួបអ្នកគាំទ្រវិញលក្ខណៈជាក្រុមទាំងមូល ទើបការចេញអាល់ប៊ូមវាមានសារៈសំខាន់ជាង»។
បន្ថែមពីលើនោះក្រុមហ៊ុនក៏បាននិយាយផងដែរអំពីគម្រោងរបស់ LISA និង JISOO ថា៖ «លើសពីនេះទៀត បទចម្រៀងទោលរបស់ LISA ក៏បានត្រៀមនឹងបញ្ចេញដូចគ្នា ហើយនៅពេលនេះក្រុមហ៊ុនក៏កំពុងតែរៀបចំសម្រាប់ JISOO ផងដែរ។ ការបញ្ចេញបទចម្រៀងទោលនេះនឹងធ្វើឡើងទៅតាមលំដាប់លំដោយ បន្ទាប់ពីអាល់ប៊ូមបទចម្រៀងជាក្រុមចេញរួច»។
សូមមើលសារដែលYG បានបញ្ចេញខាងក្រោមនេះ៖
លើកនេះអ្នកគាំទ្រទាំងឡាយដែលធ្លាប់តែមានការខឹងសម្បារ នឹងមានការសប្បាយចិត្តឡើងវិញហើយមិនយូរនោះទេពួកគេនឹងបានឃើញការត្រឡប់មកវិញរបស់តារាសំណព្វចិត្តរបស់ខ្លួន ជាមួយនឹងបទចម្រៀងថ្មីៗដែលត្រូវបានចំណាយពេលរង់ចាំយ៉ាងយូរ៕
Bong I.T