កូរ៉េខាងត្បូង៖ ប៉ូលីសកំពុងស៊ើបអង្កេតទៅលើករណីមួយដែលកើតឡើងថ្មីៗនេះ អំពីកាមេរ៉ាបង្កប់ដែលត្រូវបានគេលួចដាក់នៅក្នុងបន្ទប់ទឹកស្ត្រីដែលស្ថិតនៅក្នុងអគារ KBS ដែលជាស្ថានីយប៉ុស្តិទូរទស្សន៍ដ៏ល្បីមួយនៅក្នុងប្រទេសកូរ៉េខាងត្បូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអគារដែលត្រូវបានគេរកឃើញនោះ គឺធ្លាប់ប្រើជាអាផាតមិនមួយ ហើយពេលនេះក៏ក្លាយជាបន្ទប់ហ្វឹកហាត់របស់ "Gag Concert"។ នៅថ្ងៃដែលគេបានរកឃើញកាមេរ៉ានោះ កម្មវិធីមួយនេះក៏កំពុងតែធ្វើការសមសម្រាប់ត្រៀមសម្តែងផងដែរ បន្ថែមទៀតនោះអគារមួយនេះត្រូវបានគេឲ្យដឹងថា មិនបានបំពាក់នូវកាមេរ៉ាសុវត្ថិភាពនៅតាមផ្លូវចូល ឬក៏ទីតាំងនៅក្បែរបន្ទប់ទឹកនោះឡើយ។
មានបុគ្គលិកនៅស្ថានីយ៍ KBS ជាច្រើនបានបញ្ចេញគំនិតរបស់ខ្លួននៅលើអុីនធឺណេត បន្ទាប់ពីបានដឹងនូវព័ត៌មានមួយនេះថា៖ «នៅពេលកាមេរ៉ាត្រូវបានរកឃើញនៅក្នុងទីកន្លែងបែបនេះ ថែមទាំងនៅក្នុងបន្ទប់ទឹកបែបនេះទៀត វាធ្វើឲ្យខ្ញុំមានអារម្មណ៍ថាខ្មាស់ ហើយក៏ខ្លាចខ្លាំងទៀតផង»។ ប៉ូលីសបានឲ្យដឹងទៀតថា ប្រសិនបើគេស្វែងរកជនដៃដល់នោះឃើញ ជននោះនឹងត្រូវដាក់ទោសដោយបានធ្វើខុសច្បាប់នូវចំណុចជាច្រើន ហើយភស្តុតាងទាំងអស់នឹងត្រូវរក្សាទុកជាសម្ងាត់។
ជាការកត់សម្គាល់ ប្រភពមួយពី KBS បាននិយាយថា៖ «យើងនឹងសហការជាមួយប៉ូលីសដើម្បីស្វែងរកជនល្មើសនោះ ហើយយើងនឹងមិនព្រមឲ្យមានរឿងបែបនេះកើតឡើងទៀតនោះទេ»។
សូមមានការប្រុងប្រយ័ត្នជានិច្ចនូវរាល់ពេលប្រើប្រាស់ បន្ទប់ទឹកឬបន្ទប់ស្នាក់បែបសាធារណៈ ព្រោះករណីបែបនេះ បានកើតឡើងជាច្រើនករណី នឹងមានមនុស្សជាច្រើនបានរងគ្រោះដោយសារទង្វើគ្មានសីលធម៌ដូចករណីខាងលើនេះ សូមធ្វើការត្រួតពិនិត្យឲ្យបានម៉ត់ចត់ជាមុនសិន ដើម្បីការពារខ្លួនរបស់អ្នក៕
Bong I.T