រ៉ូម៖ វេជ្ជបណ្ឌិតជាន់ខ្ពស់មួយរូបរបស់អុីតាលី លោក Alberto Zangrillo នៅថ្ងៃអាទិត្យម្សិលមិញនេះបាននិយាយថា វីរុសកូរ៉ូណាហាក់កំពុងបាត់បង់ឥទ្ធិពល ហើយភាពកាចសាហាវរបស់វាក៏លែងមានដូចពីមុនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Albert Zangrillo ជាប្រធានមន្ទីរពេទ្យ San Faffaele ស្ថិតក្នុងទីក្រុង Milan ភាគខាងជើងប្រទេសអុីតាលី ដែលជាតំបន់រងគ្រោះដោយសារវីរុសកូរ៉ូណាបានប្រាប់ទូរទស្សន៍ RAI របស់អុីតាលីថា៖
កំហាកដែលបានពិនិត្យក្នុងរយៈពេល១០ថ្ងៃចុងក្រោយនេះ រកឃើញថាមានផ្ទុកវីរុសតិចជាងមុន បើធៀបនឹងលទ្ធផលដែលទទួលបានកាលពីជាង១ខែ ឬ ២ខែមុន។
ការលើកឡើងបែបនេះ ស្របពេលអត្រានៃអ្នកស្លាប់នៅប្រទេសអុីតាលីបានធ្លាក់ចុះជាលំដាប់ក្នុងខែឧសភាកន្លងទៅនេះ ហើយប្រទេសនេះក៏កំពុងបន្ធូរបន្ថយវិធានការរឹតបន្ដឹងបណ្ដើរៗផងដែរ។
គួរបញ្ជាក់ថា អុីតាលីក៏ជាប្រទេសដែលរងគ្រោះខ្លាំងដោយសារវីរុសកូរ៉ូណាផងដែរ បើធៀបនឹងប្រទេសទាំងអស់នៅលើសកលលោក។ ហើយបើតាមតារាងទិន្នន័យរបស់ Wordmeter គិតត្រឹមរសៀលនេះ បានបង្ហាញឲ្យឃើញថា អុីតាលីកំពុងឈរនៅលំដាប់ទី៦ ដោយមានករណីឆ្លងសរុបចំនួន ២៣២,៩៩៧នាក់ ក្នុងនោះអ្នកស្លាប់មានចំនួន ៣៣,៤១៥នាក់ និងជាសះស្បើយវិញចំនួន ១៥៧,៥០៧នាក់៕
សូមទស្សនារូបភាពខាងក្រោម៖
Bong I.T