សាន់សាល់វ៉ាឌ័រ៖ ព្យុះ​កំណាច Amanda ដែលបណ្តាលឱ្យមានភ្លៀងធ្លាក់ខ្លាំង បង្កជា​ទឹកជំនន់​​ និងការបាក់ដី បានឆក់យកជីវិតមនុស្សយ៉ាងហោចណាស់ ៧នាក់ នៅក្នុងប្រទេសអែលសាល់វ៉ាឌ័រ។ នេះបើយោងតាមទីភ្នាក់ងារសារព័ត៌មាន Reuters។

ក្រុមអ្នកជំនាញកំពុងធ្វើប្រតិបត្តិការជួយសង្រ្គោះ

ប្រភពដដែលបានឱ្យដឹងទៀតថា ជនរងគ្រោះដែលបានស្លាប់ដោយសារព្យុះ​ត្រូពិច Amanda នេះរួម​​មាន ​ក្មេងប្រុសអាយុ៨ឆ្នាំម្នាក់ ដែលបានស្លាប់ដោយសារបាក់ផ្ទះសង្កត់ រីឯជនរងគ្រោះផ្សេងទៀត បានសម្លាប់ដោយជញ្ជាំងថ្មដួលសង្កត់ និង​លង់ទឹក​។

ព្យុះ Amanda បានបង្កឱ្យមានទឹកជំនន់

​មជ្ឈមណ្ឌល National Hurricane Center (NHC) អាមេរិកបានព្យាករណ៍ថា ព្យុះ​នេះ​​នឹងបង្កឱ្យមាន​ភ្លៀង​ធ្លាក់ខ្លាំងនៅទូទាំងប្រទេសអែលសាល់វ៉ាឌ័រ ហើយបន្តទៅដល់ភាគខាងត្បូងប្រទេសហ្គាតេម៉ាឡា ,ភាគខាងលិចប្រទេសហុងឌូរ៉ាស និងភាគខាងត្បូងប្រទេសម៉ិកស៊ិក។

ព្យុះ Amanda បានបង្កឱ្យមានទឹកជំនន់

សូមជម្រាបផងដែរថា ព្យុះកំណាច Amanda បានបោកបក់ក្នុងល្បឿន ៦៥ គីឡូម៉ែត្រក្នុងមួយម៉ោង។ ហើយ​បើយោងតាមមជ្ឈមណ្ឌល  NHC បានឱ្យដឹងថា ​ឥទ្ធិពលរបស់​វា នឹង​ចុះខ្សោយនៅពេលឆាប់ៗនេះ ខណៈ​ពេលវាធ្វើដំណើរឆ្ងាយពីដីគោក៕

ព្យុះ Amanda បានបង្កឱ្យមានទឹកជំនន់

សូមទស្សនាវីដេអូខាងក្រោម៖

វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ