សាន់សាល់វ៉ាឌ័រ៖ ព្យុះកំណាច Amanda ដែលបណ្តាលឱ្យមានភ្លៀងធ្លាក់ខ្លាំង បង្កជាទឹកជំនន់ និងការបាក់ដី បានឆក់យកជីវិតមនុស្សយ៉ាងហោចណាស់ ៧នាក់ នៅក្នុងប្រទេសអែលសាល់វ៉ាឌ័រ។ នេះបើយោងតាមទីភ្នាក់ងារសារព័ត៌មាន Reuters។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពដដែលបានឱ្យដឹងទៀតថា ជនរងគ្រោះដែលបានស្លាប់ដោយសារព្យុះត្រូពិច Amanda នេះរួមមាន ក្មេងប្រុសអាយុ៨ឆ្នាំម្នាក់ ដែលបានស្លាប់ដោយសារបាក់ផ្ទះសង្កត់ រីឯជនរងគ្រោះផ្សេងទៀត បានសម្លាប់ដោយជញ្ជាំងថ្មដួលសង្កត់ និងលង់ទឹក។
មជ្ឈមណ្ឌល National Hurricane Center (NHC) អាមេរិកបានព្យាករណ៍ថា ព្យុះនេះនឹងបង្កឱ្យមានភ្លៀងធ្លាក់ខ្លាំងនៅទូទាំងប្រទេសអែលសាល់វ៉ាឌ័រ ហើយបន្តទៅដល់ភាគខាងត្បូងប្រទេសហ្គាតេម៉ាឡា ,ភាគខាងលិចប្រទេសហុងឌូរ៉ាស និងភាគខាងត្បូងប្រទេសម៉ិកស៊ិក។
សូមជម្រាបផងដែរថា ព្យុះកំណាច Amanda បានបោកបក់ក្នុងល្បឿន ៦៥ គីឡូម៉ែត្រក្នុងមួយម៉ោង។ ហើយបើយោងតាមមជ្ឈមណ្ឌល NHC បានឱ្យដឹងថា ឥទ្ធិពលរបស់វា នឹងចុះខ្សោយនៅពេលឆាប់ៗនេះ ខណៈពេលវាធ្វើដំណើរឆ្ងាយពីដីគោក៕
សូមទស្សនាវីដេអូខាងក្រោម៖