អាមេរិក៖ យានអវកាសក្រុមហ៊ុន SpaceX ដែលដឹកអវកាសយានិករបស់អង្គការណាសា ចំនួនពីររូប បានហោះឡើងទៅកាន់ទីអវកាស នៅថ្ងៃអាទិត្យនេះ ដែលនេះជាលើកទី១ ដែលមនុស្សបានធ្វើដំណើរទៅក្នុងគន្លងផែនដី ពីទឹកដីអាមេរិកដោយផ្ទាល់ ក្នុងរយៈពេលជិតមួយទសវត្សរ៍កន្លងមកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការចាកចេញបានកើតឡើងនៅម៉ោង ២:២០ទៀបភ្លឺ (ម៉ោងនៅកម្ពុជា) ពីមជ្ឈមណ្ឌលអវកាស Kennedy Space Center នៃរដ្ឋផ្លរីដា។
អវកាសយានិក Robert Behnken អាយុ៤៩ឆ្នាំ និងលោក Douglas Hurley អាយុ៥៣ឆ្នាំ នឹងចំណាយពេលប្រហែល១៩ម៉ោង នៅលើយានអវកាស Crew Dragon របស់ក្រុមហ៊ុន SpaceX ខណៈពេលដែលវាបើកយឺតៗ ឆ្ពោះទៅកាន់ស្ថានីយអវកាសអន្តរជាតិ។
យានអវកាសនេះត្រូវបានគេរំពឹងថា នឹងចូលចតនៅស្ថានីយអវកាស នៅម៉ោង៩:២៩យប់ ថ្ងៃអាទិត្យ ទី៣១ ខែឧសភា នេះដដែល។
សហរដ្ឋអាមេរិកមិនបានបញ្ជូនអវកាសយានិករបស់ខ្លួន ចូលទៅក្នុងទីអវកាស ចាប់តាំងពីកម្មវិធីអវកាសបានបញ្ចប់ ក្នុងឆ្នាំ២០១១។ ចាប់តាំងពីពេលនោះមក អវកាសយានិករបស់អង្គការណាសាត្រូវបានធ្វើដំណើរ ទៅកាន់ប្រទេសរុស្ស៊ី និងហ្វឹកហាត់លើយានអវកាស Soyuz របស់ប្រទេសនេះផងដែរ។ កន្លែងទាំងនោះបានធ្វើឲ្យណាសា ចំណាយប្រាក់អស់៨៦លានដុល្លារ ក្នុងមួយកៅអី។
ការបាញ់បង្ហោះនេះក៏ត្រូវបានកត់សម្គាល់ផងដែរថា វាជាលើកដំបូងនៅក្នុងប្រវត្តិសាស្ត្រ ដែលក្រុមហ៊ុនអាកាសចរណ៍មួយ បានដឹកមនុស្សចូលទៅក្នុងគន្លងផែនដី។ ក្រុមហ៊ុន SpaceX បានធ្វើការ លើយានអវកាស Crew Dragon អស់រយៈពេល១៥ឆ្នាំមកហើយ៕
រូបភាពបន្ថែម៖