ថៃ៖ កាលពីម្សិលមិញរដ្ឋាភិបាលបានរាយការណ៍ពីករណីឆ្លងវីរុសកូរ៉ូណាថ្មីចំនួន ១១ ករណីដែលសុទ្ធតែទើបត្រឡប់មកពីបរទេស ហើយក្នុងចំណោមពួកគេមាន ៥ នាក់ជាអ្នកម៉ាស្សា ដែលនាំឱ្យចំនួនករណីឆ្លងសរុបកើនឡើងដល់ ៣,០៦៥ នាក់ តែមិនមានអ្នកស្លាប់ថ្មីទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺ COVID-១៩ បាននិយាយថាករណីថ្មីមួយគឺស្ត្រីថៃអាយុ ៣២ ឆ្នាំដែលបានវិលត្រឡប់មកពី ប្រទេសឥណ្ឌាកាលពីថ្ងៃសុក្រ។ នាងមិនមានរោគសញ្ញាអ្វីទេហើយនាងត្រូវបានគេដាក់ ឱ្យនៅដាច់ឆ្ងាយនៅខេត្តសាមុតប្រាកាន។ កាលពីថ្ងៃចន្ទនាងបានធ្វើតេស្តរកវីរុសនេះ ហើយត្រូវបានគេបញ្ជូនទៅមន្ទីរពេទ្យនៅខេត្តសាមុតប្រាកាន។
មាន ៦ ករណីផ្សេងទៀតដែលមានអាយុចន្លោះពី ២៧-៥២ ឆ្នាំដែលទើបតែបានត្រឡប់មកពី ប្រទេសកាតាវិញ។ ប្រាំនាក់ក្នុងចំណោមពួកគេគឺជាអ្នកម៉ាស្សានិងម្នាក់ទៀតជាអ្នកបំរើ។ ពួកគេត្រូវបានដាក់ដាច់ដោយឡែកនៅទីក្រុងបាងកកនិងត្រូវបានធ្វើតេស្តវិជ្ជមាននៅថ្ងៃអង្គារ។ ចំណែកអ្នកផ្សេងទៀតមានរោគសញ្ញាឈឺបំពង់ក មិនដឹងក្លិន ឬរសជាតិ ឈឺក្បាល ឈឺសាច់ដុំ និងស្លេកស្លាំងខ្លាំងពេក។
ករណី ៤ ទៀតគឺកម្មករសំណង់ជាបុរសអាយុពី ៣៩-៥១ ឆ្នាំដែលបានធ្វើការឱ្យក្រុមហ៊ុន បរទេសមួយនៅប្រទេសគុយវ៉ែត។ ពួកគេបានត្រឡប់មកវិញនៅថ្ងៃអាទិត្យត្រូវបានគេដាក់ នៅក្រុងបាងកកហើយបានធ្វើតេស្តវិជ្ជមាននៅថ្ងៃអង្គារ។ ពួកគេឈឺក្បាល មិនដឹងក្លិន ច្រមុះហៀរសំបោរ និងគ្រុន។
វេជ្ជបណ្ឌិត Taweesilp បាននិយាយថា "យើងអាចនិយាយបានថាមិនមានករណីឆ្លងថ្មីនៅ ក្នុងស្រុកទេរហូតមកដល់ពេលនេះ។ ករណីថ្មីទាំងអស់ដែលបានរាយការណ៍ជារៀងរាល់ថ្ងៃគឺ ជាករណីដែលបានឆ្លងពីប្រទេសដទៃទៀតនោះទេ"។
ក្នុងចំណោមករណីបានឆ្លងចំនួន ៣,០៦៥ ករណី ក្នុងនោះមានចំនួន ២,៩៤៥ (៩៦%) បានជាសះស្បើយ ជាមួយនឹងអ្នកជំងឺ ១៤ នាក់ទៀតត្រូវបានចេញពីមន្ទីរពេទ្យក្នុងរយៈពេល ២៤ ម៉ោងមុន។ និងអ្នកជំងឺ៦៣ នាក់កំពុងសម្រាកព្យាបាលនៅមន្ទីរពេទ្យ។ ចំណែកឯចំនួន អ្នកស្លាប់ដោយសារវីរុសនេះនៅតែមានចំនួន ៥៧ នាក់ដដែល៕
ប្រភព៖ Bangkok Post