មិនដល់ ២៤ម៉ោងផង បទថ្មី LadyGaga និង BLACKPINK ឡើងដល់លំដាប់លេខ១ លើ iTunes ៥៧ប្រទេសជុំវិញពិភពលោក

កូរ៉េខាងត្បូង ៖ កាលពីយប់ថ្ងៃទី ២៨ ខែឧសភា ម្សិលម្សិញនេះ បទចម្រៀងរបស់ Lady Gaga ដែលជាការសហការជាមួយនិង BLACKPINK មានចំណងជើងថា Sour Candy ពិតជាមិនធ្វើឲ្យហ្វេនៗ ដែលទន្ទឹងរង់ចាំជាយូរ មិនខកបំណងមែន ដោយបទនេះបានទទួលការគាំទ្រច្រើនខ្លាំង ទូទាំងពិភពលោកតែម្ដង ហើយថែមទាំងបានបំបែកកំណត់ត្រាថ្មី ក្នុងវិស័យចម្រៀង Kpop ផងដែរ។

ក្នុងនោះផងដែរ បទ Sour Candy ដែលជាការសហការលើកដំបូង រវាងតារាចម្រៀងកំពូលប៉ែកអឺរ៉ុប និងក្រុមចម្រៀងនារីដ៏ល្បី ក្នុងវិស័យ Kpop បានហក់ឡើងខ្លាំង រហូតដល់ជាប់ចំណាត់ថ្នាក់លេខ១ ក្នុងតារាងចំណាត់ថ្នាក់លក់ដាច់បំផុត ក្នុងកម្មវិធី iTunes រហូតដល់ទៅ ៥៧ប្រទេស ទូទាំងពិភពលោក ព្រមទាំងមានការចូលមើលជាច្រើនដង នៅលើ Chanel YouTube រហូតដល់ជាង ១៦ លានដង គិតត្រឹមរយៈពេលតែ ១៦ម៉ោង៕

ទស្សនារូបភាព និង វីដេអូខាងក្រោម ៖