ថៃ៖ កោះទេសចរណ៍ដ៏ពេញនិយមនៃកោះឡានត្រូវបានគេរំពឹងថា នឹងបើកដំណើរការវិញនៅខែមិថុនា បន្ទាប់ពីត្រូវបានបិទជាសាធារណៈអស់រយៈពេល ២ ខែដើម្បីជួយទប់ស្កាត់ការរីករាលដាលនៃជំងឺ COVID-១៩ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអភិបាលក្រុង Pattaya លោក Sonthaya Khunpluem បាននិយាយកាលពីថ្ងៃព្រហស្បតិ៍ថា គណៈកម្មាធិការសហគមន៍ និងអាជ្ញាធរនៅកោះឡានបានពិភាក្សាបើកកោះនេះឡើងវិញដល់ភ្ញៀវទេសចរ ដែលជាផ្នែកមួយនៃការបន្ធូរបន្ថយការចាក់សោរនៅដំណាក់កាលទីបី។
អ្នកស្រុកនៅតំបន់កោះឡានបានយល់ព្រមបិទកោះឡានដែលជាផ្នែកមួយនៃតំបន់ Na Klua ក្នុងស្រុក Bang Lamung នៃខេត្ត Chon Buri ។ ហើយប្រតិបត្តិករអាជីវកម្មភាគច្រើនបានសហការជាមួយ អាជ្ញាធរ។
អ្នកខាងក្រៅមិនត្រូវបានអនុញ្ញាតឱ្យទៅលេងកោះនោះទេ ហើយអ្នកស្រុកក្នុងតំបន់នោះក៏ត្រូវបានរារាំង មិនឱ្យចាកចេញ និងត្រឡប់មកតំបន់វិញដែរ។
នៅថ្ងៃទី ១ ខែឧសភា គណៈកម្មាធិការសហគមន៍បានយល់ព្រមបន្ធូរបន្ថយការរឹតបន្តឹងដោយអនុញ្ញាតឱ្យ អ្នកស្រុកចាកចេញ និងវិលត្រឡប់ចូលវិញបាន។ ភ្ញៀវទេសចរនៅតែត្រូវបានហាមឃាត់។
លោក Sonthaya បាននិយាយថា គណៈកម្មាធិការសហគមន៍បានស្នើឱ្យមានវិធានការណ៍ដើម្បី ទប់ទល់នឹងជំងឺ COVID-១៩ បន្ទាប់ពីការបិទទ្វារត្រូវបានបន្ធូរបន្ថយ។ ទីក្រុង Pattaya នឹងបញ្ជូនសំណើរបស់គណៈកម្មាធិការ ទៅឱ្យគណៈគ្រប់គ្រងជំងឺឆ្លងខេត្ត Chon Buri ដើម្បី សុំការយល់ព្រម។ លោកអភិបាលក្រុងបាននិយាយបន្ថែមថា កោះឡានត្រូវបានគេរំពឹងថា នឹងបើកដំណើរការឡើងវិញនៅខែមិថុនា។
មន្រ្តីទីក្រុង Pattaya នឹងប្រមូលទស្សនៈរបស់ប្រជាជន និងអាជីវករក្នុងតំបន់ក្នុងការសម្រេចចិត្តលើកាលបរិច្ឆេទ ដែលបន្ទាប់មកនឹងត្រូវបានស្នើទៅក្រុមប្រឹក្សាខេត្តដែលដឹកនាំដោយអភិបាលខេត្ត Chon Buri ៕
ប្រភព៖ Bangkok Post