​កាន់តែច្រើនឡើងហើយ! ចំនួនអ្នកឆ្លងកូវីដ១៩នៅទូទាំងពិភពលោក បន្តកើនឡើងដល់ ៥,៩លាននាក់ ខណៈអ្នកស្លាប់​មាន​រហូតដល់​រាប់សិបម៉ឺននាក់

//s5.kh1.co/ce/ce4367c391f544a324b8a2121f69604a3442083f.jpg
សង្គម

 ២៩-ឧសភា-២០២០ ៩ព្រឹក · ៤ ឆ្នាំមុន

ចំនួនអ្នកឆ្លងសរុបទូទាំងពិភពលោក បានកើនដល់ ៥,៩០៥,២៩២នាក់ ហើយក្នុងនោះដែរ មានមនុស្សចំនួន ៣៦២,០២៣នាក់ បានស្លាប់បាត់បង់ជីវិត និង ២,៥៧៩,៦៧៨នាក់ផ្សេងទៀត បានទទួលការព្យាបាលជាសះស្បើយ​

បរទេស៖ ដូចដែលប្រិយមិត្តអ្នកអាន បានដឹងស្រាប់ហើយថា ជំងឺកូវីដ១៩ ​គឺបាន​ផ្ទុះឡើង​ដំបូងគេនៅក្នុងទីក្រុងវូហាន ខេត្តហ៊ូប៉ី ប្រទេសចិន ​ដោយក្នុងនោះដែរ មានក្រុមអ្នកជំនាញជាច្រើន​ជឿជាក់ថា ជំងឺដ៏កាចសាហាវនេះ មានប្រភពចេញពីទីផ្សារលក់សាច់សត្វមួយកន្លែងរបស់ទីក្រុងវូហាន។ ហើយរហូតមកទល់ពេលនេះ ​ជំងឺ​រាតត្បាតកូវីដ១៩ បានបន្តឆក់យកជីវិតមនុស្សរាប់ម៉ឺននាក់ ក្នុងចំណោមអ្នកឆ្លងជំងឺ​រាប់លាននាក់ ខណៈពេលដែលក្រុមអ្នកវិទ្យាសាស្ត្រ​ទូទាំងពិភពលោក  មិនទាន់រកឃើញវ៉ាក់សាំងការពារនៅឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង បើយោងទៅតាមគេហទំព័រ Worldometer គិតត្រឹមម៉ោង ​៩ៈ០០នាទីព្រឹក ថ្ងៃ​​​សុក្រ ទី២៩ ខែឧសភា ឆ្នាំ២០២០នេះ ចំនួនអ្នកឆ្លងសរុបទូទាំងពិភពលោក បានកើនដល់ ៥,៩០៥,២៩២នាក់ ហើយក្នុងនោះដែរ មានមនុស្សចំនួន ៣៦២,០២៣នាក់ បានស្លាប់បាត់បង់ជីវិត និង ២,៥៧៩,៦៧៨នាក់ផ្សេងទៀត បានទទួលការព្យាបាលជាសះស្បើយ​។

​​យ៉ាងណាមិញ បើតាមគេហទំព័រខាងលើ បានបង្ហាញទៀតថា ជំងឺ​ដ៏កាចសាហាវ​​នេះ បាន​ឆ្លងរាលដាលទៅ​ដល់ប្រទេស និងដែនដីសរុបចំនួន ២១៣ ជុំវិញពិភពលោក ដោយក្នុងនោះសហរដ្ឋអាមេរិក ប្រេស៊ីលនិងរុស្ស៊ី ​គឺជាប្រទេសដែលមានករណីឆ្លងច្រើនជាងគេបំផុត។ ហើយស្របពេលដែលស្ថានភាពនៃជំងឺនេះ ហាក់មិនទាន់ធូរស្បើយនៅឡើយ ប្រទេសក្នុងទ្វីបអឺរ៉ុបជាច្រើន បានសម្រេចបើកទ្វារប្រទេសឡើងវិញ ក្នុងគោលបំណងស្តាសេដ្ឋកិច្ចជាតិ៕

ទីបញ្ចុះសពអ្នកស្លាប់ដោយជំងឺកូវីដ១៨ នៅទីក្រុង Sao Paulo ប្រទេសប្រេស៊ីល
ទីបញ្ចុះសពអ្នកស្លាប់ដោយជំងឺកូវីដ១៨ នៅទីក្រុង Sao Paulo ប្រទេសប្រេស៊ីល
ទីបញ្ចុះសពអ្នកស្លាប់ដោយជំងឺកូវីដ១៨ នៅទីក្រុង  Manaus ប្រទេសប្រេស៊ីល
ទីបញ្ចុះសពអ្នកស្លាប់ដោយជំងឺកូវីដ១៨ នៅទីក្រុង Manaus ប្រទេសប្រេស៊ីល
Han Horn
H.H

អត្ថបទទាក់ទង

//s9.kh1.co/c0/c0775fdde67a0c3b2c616c6bc33e23f179bbf1a4.png

នាឱកាសបុណ្យចូលឆ្នាំខ្មែរខាងមុខ រដ្ឋបាលរាជធានីភ្នំពេញ នឹងដាក់ឱ្យប្រើប្រាស់ ជាបណ្តោះអាសន្នស្ពានអាកាស «មរតកតេជោ» ដើម្បីជួយសម្រួល ដល់ការធ្វើដំណើររបស់ប្រជាពលរដ្ឋ

 ២៩-មីនា-២០២៤ 
 ១០ព្រឹក · ៧ ម៉ោងមុន
//s9.kh1.co/69/6979169246f2271453d368556b205bb61a6118e7.png

ត្រៀមខ្លួនចូលរួមសប្បាយកម្សាន្តជាមួយ «សង្ក្រាន្តវត្តភ្នំ » នៅរមណីយដ្ឋានប្រវត្តិសាស្រ្តវត្តភ្នំ រយៈពេល០៤ថ្ងៃ ចាប់ពីថ្ងៃទី១៣ ដល់ ១៦ ខែមេសា ឆ្នាំ២០២៤

 ២៩-មីនា-២០២៤ 
 ៩ព្រឹក · ៨ ម៉ោងមុន
រក្សាសិទ្ធិ Mediaload
Powered by Bong I.T Bong I.T