កាលពីថ្ងៃអង្គារនាពេលថ្មីៗនេះ ក្រុមអ្នកវិភាគទីផ្សារពិភពលោក Gartner បានអះអាងថា ការនាំចេញទូរស័ព្ទទូទាំងពិភពលោកត្រូវបានព្យាករណ៍ថានឹងធ្លាក់ចុះ ១៤,៦ ភាគរយក្នុងឆ្នាំ ២០២០ ខណៈការចេញលក់ស្មាតហ្វូននឹងធ្លាក់ចុះ ១៣,៧ ភាគរយក្នុងឆ្នាំនេះ។ ការនាំចេញឧបករណ៍នានា ទៅកាន់ពិភពលោកដែលរួមមាន កុំព្យូទ័រ ថេបប្លេត (tablet) និងទូរស័ព្ទចល័តផ្សេងៗជាដើម កំពុងធ្លាក់ចុះយ៉ាងលឿន ១៣,៦ ភាគរយក្នុងឆ្នាំនេះដោយសារជំងឺវីរុសឆ្លង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមការកំណត់ចំណាំមួយដែលចែករំលែកដោយក្រុមវិភាគ Gartner បានបញ្ជាក់ថា ការលក់កុំព្យូទ័រ ថេបប្លេត និងទូរស័ព្ទចល័តទៅកាន់ទីផ្សារពិភពលោក មានចំនួនសរុប ១,៩ ពាន់លានគ្រឿង ហើយត្រូវបានគេរំពឹងថានឹងត្រូវនាំចេញនៅឆ្នាំ ២០២០ បើប្រៀបធៀបទៅនឹងឆ្នាំ ២០១៩ គឺមានចំនួន ២,១ ពាន់លានគ្រឿង។ ប៉ុន្តែការប៉ាន់ស្មានដោយផ្អែកលើទិន្នន័យនេះ ត្រូវបានផ្អាកដោយក្រុមហ៊ុនគិតត្រឹម ខែឧសភានេះ៕
ប្រភព៖ gadgets.ndtv.com