​ថៃ​រកឃើញមនុស្ស១១នាក់ ឆ្លងជំងឺ​កូវីដ១៩

ករណីអ្នកឆ្លងជំងឺកូវីដ១៩ថ្មី​នេះរួមមាន ​១ករណីគឺជាស្ត្រីថៃ​វ័យ ៣២ឆ្នាំ ដែលត្រូវបានដាក់ឱ្យនៅដាច់ដោយឡែកក្នុងខេត្តសាមុតប្រាកាន បន្ទាប់ពី​វិលត្រឡប់មកពីប្រទេសឥណ្ឌាកាលពីថ្ងៃសុក្រសប្តាហ៍មុន។ ហើយ ៦​ករណី គឺជាស្ត្រីម៉ាសា និងអ្នកបម្រើការតាមផ្ទះ ដែលមានវ័យចាប់ពី ២៧-៥២ឆ្នាំ ត្រូវបានដាក់ឱ្យនៅដាច់ឡែកក្នុងទីក្រុងបាងកក ក្រោយវិលត្រឡប់ពីប្រទេសកាតាវិញ។ ចំណែក ៤ករណីផ្សេងទៀត គឺជាកម្មករសំណង់ ដែលមានអាយុចាប់ពី​ ៣៩-៥១ឆ្នាំ ​ត្រូវបានដាក់ឱ្យនៅដាច់ឡែកក្នុងទីក្រុងបាងកកដូចគ្នា បន្ទាប់ពីធ្វើដំណើរវិលត្រឡប់ពីប្រទេសគុយវ៉ែតកាលពីថ្ងៃអាទិត្យកន្លងទៅ។