បរទេស៖ អាចនិយាយបានថាជាតារាសម្តែងប្រុស Brad Pitt ដែលមានមុខមាត់សង្ហាបែបស្រគត់ស្រគំមួយរូប ហើយមានមន្តស្នេហ៍បែបមនុស្សវ័យកណ្តាលផងដែរ រហូតមកទល់ពេលនេះ ទោះអាយុរបស់លោក ចូល៥៧ក៏ដោយ ក៏លោក ត្រូវបានគេសរសើរមិនដាច់ពីមាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមពិត អាយុរបស់តារាប្រុសរូបនេះ ក៏មិនតិចដែរ តែដោយសារតែ ការរៀបចំខ្លួន លើសម្លៀកបំពាក់ ម៉ូតសក់ ទើបធ្វើឲ្យលោក កាន់តែមើលទៅស្រស់សង្ហា និងទាក់ទាញ នៅក្នុងក្រសែភ្នែក អ្នកដទៃ ជាពិសេស ហ្វេនស្រីៗ របស់លោកផងដែរ។
ប៉ុន្តែពេលនេះ បានធ្វើឲ្យហ្វេនស្រីៗ ធ្លាក់ថ្លើមក្តុក ដោយសារតែ លេចចេញនូវរូបថតថ្មីៗ ដោយBrad Pitt ស្ថិតក្នុងសភាពដូចជាប៉ាអ៊ំយ៉ាងដូច្នោះដែរ ដោយសារតែ សក់របស់លោក មិនបានកាត់ព្រោះតែ សម្ងំនៅតែក្នុងផ្ទះ ក្នុងអំឡុងជំងឺ កូវីដ១៩ រាតត្បាត ទើបធ្វើឲ្យ សម្រស់របស់លោក ធ្លាក់ដល់ដី លែងក្លាយជាប្រុសស្អាតតទៅទៀតហើយ។ អ្វីដែលសំខាន់ ការស្លៀកពាក់ របស់តារាប្រុសរូបនេះ ក៏មិនសមនឹងភ្នែកទាល់តែសោះ ទ្រុឌទ្រោមខ្លាំង សឹងតែ គ្រប់គ្នា មើលមិនចំណាំមុខ លោកទៅហើយ៕
ចង់ដឹងបែបណាមើលទៅទាំងអស់គ្នា៖