ក្រុមហ៊ុន McLaren បានបញ្ឈប់បុគ្គលិកចំនួន ១២០០ នាក់ ដោយសារមូលហេតុមួយនេះ

ក្រុមហ៊ុន Mclaren Group Limited បានគ្រោងនឹងកាត់បន្ថយការងារប្រហែលចំនួន ១២០០ នាក់ ដើម្បីទប់ទល់ទៅនឹងផលប៉ះពាល់លើផ្នែកហិរញ្ញវត្ថុ ដោយសារតែបញ្ហានៃជំងឺរាតត្បាតកូវីដ១៩។

គួរបញ្ជាក់ផងដែរថា ការបញ្ឈប់ការងារនេះ នឹងធ្វើឲ្យមានការជះឥទ្ធិពលយ៉ាងខ្លាំងដល់បច្ចេកវិទ្យា ដែលបានអនុវត្តអាជីវកម្មលើគម្រោងការផលិតរថយន្ត និងរថយន្តប្រណាំង ក៏ដូចជាប៉ះពាល់ការគាំទ្រពីអតិថិជន និងមុខងារការិយាល័យផងដែរ។

យ៉ាងណាមិញ ក្រុមហ៊ុននេះ ក៏នៅតែបន្តព្យាយាមយ៉ាងសកម្មក្នុងប៉ុន្មានខែថ្មីៗនេះ ទៅលើការរកប្រាក់សម្រាប់ក្រុមហ៊ុនរបស់ខ្លួន បន្ទាប់ពីម្ចាស់បំណុលព្យាយាមធ្វើការរារាំងទៅលើផែនការក្នុងការរកថវិកាជាបន្ទាន់របស់ខ្លួននេះ ដោយតម្រូវឲ្យដាក់ប្រាក់កម្ចី នៅឯការិយាល័យកណ្តាលរបស់ខ្លួនទៅវិញ ដែលធ្វើឲ្យក្រុមហ៊ុន Mclaren ជួបវិបត្តិជាខ្លាំង៕

សូមទស្សនារូបភាពខាងក្រោម៖

ប្រភព៖ shortpedia