សិង្ហបុរី៖ ប្រទេសសិង្ហបុរីបានរកឃើញអ្នកឆ្លងជំងឺកូវីត១៩ ថ្មីចំនួន ៥៣៣ នាក់បន្ថែមទៀត ដែលធ្វើឱ្យតួលេខអ្នកឆ្លងសរុបឡើងដល់ ៣២,៨៧៦ នាក់។ នេះបើយោងតាមការចុះផ្សាយរបស់សារព័ត៌មានអន្ដរជាតិ CNA ថ្ងៃទី២៧ ខែឧសភា ឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រសួងសុខាភិបាលសិង្ហបុរីបានបញ្ជាក់ថា អ្នកឆ្លងជំងឺកូវីដថ្មីនេះ ភាគច្រើនជាជនបរទេស ដែលមកបំពេញការងារ និងរស់នៅបណ្ដោះអាសន្ននៅក្នុងអន្តេវាសិកដ្ឋាន។ ហើយក្នុងចំណោមនោះ មាន ០៣ នាក់ ជាពលរដ្ឋសិង្ហបុរី ឬជាអ្នកដែលរស់នៅជាអចិន្ដ្រៃយ៍។
សូមជម្រាបថា សិង្ហបុរីជាប្រទេសមួយដែលរងគ្រោះខ្លាំង បើធៀបនឹងប្រទេសដែលជាសមាជិកនៃសមាគមប្រជាជាតិអាស៊ីអាគ្នេយ៍ទាំង ១០។ ហើយបើយោងតាមគេហទំព័រ worldometers បានបង្ហាញឱ្យឃើញថា ប្រទេសសិង្ហបុរីមានស្លាប់ដោយជំងឺកូវីដ១៩ ចំនួន ២៣ នាក់ និងអ្នកជាសះស្បើយ ១៦,៤៤៤ នាក់ ខណៈអ្នកជំងឺ ១៦,៤០៩ នាក់ផ្សេងទៀត គឺកំពុងសម្រាកព្យាបាលនៅឯមន្ទីរពេទ្យនៅឡើយ ៕
Bong I.T