ប្រធានាធិបតីហ្វីលីពីនអះអាងថា លោកមិនអនុញ្ញាតឲ្យបើកសាលារៀននោះទេ បើមិនទាន់មានវ៉ាក់សាំងការពារ

ហ្វីលីពីន៖ ប្រធានាធិបតីហ្វីលីពីនលោក រ៉ូឌ្រីហ្គោ ឌូទើតេ បានអះអាងថា លោកនឹងមិនអនុញ្ញាតឲ្យសាលារៀនបើកដំណើការឡើងវិញនោះទេ បើមិនទាន់មានវ៉ាក់សាំងការពារវីរុសកូរ៉ូណា ទោះបីប្រទេសខ្លះចាប់ផ្ដើមបើកសាលារៀនឡើងវិញក៏ដោយ។ នេះបើតាមការដកស្រង់ពីសារព័ត៌មាន CNA ។

ថ្លែងក្នុងសុន្ទរកថាមួយ ដែលបានចាក់ផ្សាយកាលពីល្ងាចថ្ងៃចន្ទកន្លងទៅ លោក ឌូទើតេ បានបញ្ជាក់យ៉ាងច្បាស់ៗថា៖

លោកបន្ថែមថា៖

គួរឲ្យដឹងដែរថា សិស្សសាលារបស់ហ្វីលីពីនទាំងអស់ គ្រោងនឹងវិលត្រលប់ចូលរៀនវិញនៅចុងខែសីហាខាងមុខនេះ បន្ទាប់ពីសិស្សកម្រិតបឋម និងអនុវិទ្យាល័យសរុបជាង២៥លាននាក់ ត្រូវផ្អាកការសិក្សា ចាប់តាំងពីខែមីនាមក ដោយសារវីរុសកូរ៉ូណារាតត្បាត។

ជាការពិតណាស់ វីរុសឆ្លងដ៏កាចសាហាវប្រចាំឆ្នាំនេះ បានធ្វើឲ្យសាលារៀនស្ទើរគ្រប់ប្រទេសនៅលើពិភពលោកត្រូវផ្អាកបណ្ដោះអាសន្ន ក្នុងនោះរួមមានប្រទេសកម្ពុជាផងដែរ។ តែយ៉ាងណាមិញ ថ្មីៗនេះ គេសង្កេតឃើញប្រទេសចំនួនពីររួមមាន ប្រទេសបារាំង និងប្រទេសកូរ៉េខាងត្បូង បានបើកដំណើរការឡើងវិញហើយ តែក៏ត្រូវមានការប្រុងប្រយ័ត្នខ្ពស់ផងដែរ៕