អរម៉ូនភេទដែលត្រូវបានគេរកឃើញនៅក្នុងត្រីមានឆ្នូតបង្កង់ម្យ៉ាង មានប្រសិទ្ធភាពធ្វើជាថ្នាំព្យាបាលបាន

កាណាដា៖ ការសិក្សាថ្មីមួយបានបង្ហាញទៅសាធារណជនថា អរម៉ូនភេទដែលត្រូវបានគេរកឃើញថ្មីនៅក្នុងសត្វត្រីដែលមានឆ្នូតបង្កង់ៗ អាចក្លាយជាកត្តាមួយដ៏ធំមួយក្នុងការជំរុញការព្យាបាល ដល់ការមានកូនបានយ៉ាងល្អសម្រាប់មនុស្សក្នុងវិស័យវេជ្ជសាស្ត្រ។

ជាមួយនឹងវិធីព្យាបាលថ្មីនេះ ក្រុមអ្នកស្រាវជ្រាវជនជាតិកាណាដា ក៏បានស្តារលើកឡើងនូវការសិក្សាពីមុខងារផ្លូវភេទមួយផ្នែកនេះឡើងវិញជាមួយនឹងប្រភេទត្រីដែលមានឆ្នូតបង្កង់ៗ ទាក់ទងទៅនឹងការបំប៉នហ្សែនរបស់វា និងជួយបង្កើនសមត្ថភាពភេទញីរបស់ត្រីប្រភេទនេះ មានភាពងាយស្រួលក្នុងការបញ្ចេញអូវ៉ុល និងនៅពេលដែលវាពង។

គន្លឹះដែលសំខាន់នៅក្នុងដំណើរការស្រាវជាវមួយនេះគឺ ម៉ូលេគុលដែលគេរកឃើញនៅក្នុងត្រីមួយប្រភេទនេះ មានលក្ខណៈដូចទៅនឹងប្រូតេអ៊ីន ដែលវាក៏ស្រដៀងនឹងម៉ូលេគុលដែលមាននៅក្នុងសារពាង្គកាយរបស់មនុស្សដែរ៕

ប្រភព៖ shortpedia