ថៃ៖ មួយរយៈពេលចុងក្រោយនេះ អ្នកគាំទ្រតារាចម្រៀងស្រីដ៏ល្បីឈ្មោះ Violet Wautier ម្ចាស់បទ Smoke បានសម្ដែងការព្រួយបារម្ភយ៉ាងខ្លាំង ចំពោះចំណងស្នេហារបស់តារាស្រីរូបនេះ និងមិត្តប្រុសដែលជាតារាសម្ដែង គឺលោក Kao Jirayu។ មូលហេតុក៏ដោយសារតែ តារាចម្រៀងស្រីរូបនេះបានបង្ហោះរូបថត និងសារបែប Drama សោកសៅនៅលើគណនី Instagram រួចក៏លុបសារបង្ហោះនោះចោលវិញ។ ការធ្វើបែបនេះ គឺស្របពេលដែលតារាថៃជាច្រើនគូផ្សេងទៀត កំពុងលេចឮនូវពត៌មានបែកបាក់គ្នាជាបន្តបន្ទាប់ ទើបធ្វើឲ្យអ្នកគាំទ្រអត់ទ្រាំ មិនបារម្ភ មិនបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ទាប់ពីរឿងរ៉ាវមួយនេះ បានលេចឮនៅពេញបណ្ដាញអ៊ិនធឺណែត លោកស្រី Koy Woranuch ម្ដាយរបស់តារាសម្ដែង លោក Kao Jirayu ដែលត្រូវជាមិត្តប្រុសរបស់ Violet បានចេញមកបកស្រាយពីរឿងចំណងស្នេហារបស់កូនប្រុសខ្លួន និងមិត្តស្រីបែបនេះថា៖ "ម៉ែបានត្រឹមតែឆ្លើយតបទៅវិញដោយមិនច្បាស់ដូចគ្នា ព្រោះកូនប្រុសធំហើយ ចង់ឲ្យចេញមុខមកបកស្រាយដោយខ្លួនឯងល្អ! ហើយសូមអរគុណអ្នកគ្រប់គ្នាដែលបានបារម្ភ។"
គួរបញ្ជាក់ផងដែរថា មកទល់ពេលនេះ ទាំងភាគីខាង Violet និងលោក Kao សុទ្ធសឹងតែមិនទាន់ចេញមុខមកបកស្រាយថាការពិត គឺយ៉ាងណានៅឡើយ៕
សូមទស្សនារូបភាពខាងក្រោម៖
ប្រភព៖ TeeNee