ម៉ូស្គូ៖ នៅថ្ងៃអង្គារនេះ ប្រទេសរុស្ស៊ីបានរកឃើញអ្នកឆ្លងជំងឺកូវីដ១៩ថ្មី ចំនួន ៨,៩១៥នាក់ ដែលធ្វើឱ្យតួលេខអ្នកឆ្លងសរុបកើនឡើងដល់ ៣៦២,៣៤២នាក់។ នេះបើយោងតាមទីភ្នាក់ងារសារព័ត៌មាន The Moscow Times។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពដដែលបានឱ្យដឹងទៀតថា ត្រឹមរយៈពេល ២៤ម៉ោង មានមនុស្ស ១៧៤នាក់ បានស្លាប់បាត់បង់ជីវិត ដែលធ្វើឱ្យចំនួនអ្នកស្លាប់សរុបឡើងដល់ ៣,៨០៧នាក់។ ដោយឡែក ចំនួនអ្នកជាសះស្បើយពីជំងឺ គឺបានកើនដល់ ១១៨,៧៩៨ នាក់។
គួរឱ្យដឹងផងដែរថា រុស្ស៊ីគឺជាប្រទេសមួយ ដែលមានចំនួនអ្នកស្លាប់ដោយជំងឺកូវីដ១៩ទាបបំផុត បើធៀបទៅនឹងប្រទេសរងគ្រោះខ្លាំងដ៏ទៃទៀត ដូចជា សហរដ្ឋអាមេរិក ប្រេស៊ីល អេស្ប៉ាញ និងអ៊ីតាលី។ ប៉ុន្តែទន្ទឹមនឹងនេះ ក៏មានក្រុមអ្នករិះគន់ជាច្រើន ហាក់មានការសង្ស័យអំពីអត្រាអ្នកស្លាប់តិចនៅក្នុងប្រទេសមួយនេះ ហើយពួកគេបានចោទប្រកាន់ទៅលើអាជ្ញាធរ ថាកំពុងលាក់បាំងនូវចំនួនអ្នកស្លាប់ពិតប្រាកដ៕
Bong I.T