ថៃ៖ ខ្សែភាពយន្តភាគថៃដែលកំពុងទទួលការពេញនិយមយ៉ាងខ្លាំងប្រចាំស្ថានីយ៍ទូរទស្សន៍ថៃប៉ុស្តិ៍ លេខ៣ រឿង Ok Keub Hak Ab Ruk Khun Samee ឬ My Husband in Law Thailand បានឈានចូលមកភាគកាន់តែល្អមើល ខណៈពេលដែលតួឯកប្រុស (សម្ដែងដោយ Mark Prin) កំពុងបង្ហាញចេញថា ខ្លួនក៏កំពុងមានអារម្មណ៍ស្រឡាញ់តួឯកស្រី (សម្ដែងដោយ Mew Nittha) វិញបណ្ដើរៗហើយ។ ក្នុងនោះ ទស្សនិកជន ជាពិសេសហ្វេនរបស់រឿងនេះផ្ទាល់កំពុងទន្ទឹងរង់ចាំមើលយ៉ាងអន្ទះសារថា តើនៅភាគបញ្ចប់ តួឯកទាំងពីរអាចនឹងក្លាយទៅជាគូជាមួយគ្នាដែរឬអត់ ព្រោះនៅពេលដែលតួឯកប្រុសចាប់ផ្ដើមបង្ហាញអារម្មណ៍ស្រឡាញ់របស់ខ្លួនចំពោះតួឯកស្រី តួឯកស្រីបែរជាមានអារម្មណ៍ថាចង់បោះបង់ចោលការតស៊ូរបស់ខ្លួន ដើម្បីតាមស្រឡាញ់តួឯកប្រុស ដូចដែលខ្លួនធ្លាប់បានធ្វើកន្លងមកទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែនៅពេលនេះ ក្រុមការងារផលិតរបស់រឿងនេះផ្ទាល់ រួមមានទាំងអ្នកដឹកនាំការសម្ដែង តួឯកប្រុសស្រី អ្នកនិពន្ធ និងម្ចាស់ផេករបស់អ្នកគាំទ្រតារាទាំងពីរ បាននាំគ្នាធ្វើស៊ីផ្លូវចិត្តទស្សនិកជន ជាពិសេសអ្នកគាំទ្រយ៉ាងចាស់ដៃ តាមរយៈការបង្ហោះនូវរូបភាព និងវីដេអូក្រៅឆាក របស់ភាគបញ្ចប់នៃរឿងមួយនេះ។
តាមរយៈវីដេអូ និងរូបភាពទាំងនោះ គេសង្កេតឃើញតួឯកប្រុសស្រីរៀបការជាមួយគ្នាជាថ្មីម្ដងទៀត ហើយថែមទាំងមានកូនភ្លោះពីរនាក់ទៀត។ ការបង្ហើបសាច់រឿងបែបនេះ បានធ្វើឲ្យអ្នកគាំទ្របាត់បង់អារម្មណ៍អន្ទះសារក្នុងការតាមដានបន្តិច ប៉ុន្តែមិនបានធ្វើឲ្យពួកគេបញ្ឈប់ការតាមដានរឿងនេះឡើយ ពោលគឺពួកគេកាន់តែចង់មើល ដើម្បីចង់ដឹងថា ភាគបញ្ចប់នោះមានលក្ខណៈពិសេសយ៉ាងណាខ្លះ៕
សូមទស្សនារូបភាពខាងក្រោម៖
ប្រភព៖ TeeNee