ប្រទេសអង់គ្លេស៖ កាលពីថ្ងៃទី ២២ ខែ មីនា ឆ្នាំ ២០២០កន្លងទៅ អ្នករត់តាក់ស៊ីម្នាក់នៅទីក្រុងឡុងដ៍បានដឹកអ្នកដំណើរម្នាក់ទៅកាន់ផ្លូវ West Ham។ គាត់បានប្រាប់ភ្ញៀវម្នាក់នោះថាតម្លៃធ្វើដំណើរអស់ថ្លៃ ៩ ផោន។ ប៉ុន្តែអ្នកដំណើរនោះមិនបានបង់ថ្លៃតាក់ស៊ីទេ ថែមទាំងស្តោះទឹកមាត់ដាក់លោកទៀតហើយបាននិយាយដាក់លោកថា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សភ្លាមៗនោះបុរសនោះក៏រត់បាត់ ហើយអ្នករត់តាក់ស៊ីដែលមានអាយុ ៦១ ឆ្នាំឈ្មោះថា Trevor Belle បានជិះទៅកាន់ប៉ុស្តិ៍ប៉ូលីសនៅក្នុងតំបន់នោះដោយរាយការណ៍ទៅប៉ូលីសពីហេតុការណ៍ដែលបានកើតឡើង។ ប៉ុន្តែប៉ូលីសហាក់ដូចជាមិនអើពើនឹងរឿងនេះឡើយ ដូច្នេះហើយលោក Trevor ក៏បានធ្វើដំណើរទៅផ្ទះរបស់លោកហើយរៀបរាប់ប្រាប់ប្រពន្ធរបស់គាត់នូវរឿងទាំងនេះ។ ៤ ថ្ងៃក្រោយមក លោក Trevor ក៏មានអាការៈមិនប្រក្រតីឡើយដោយលោកមានអាការៈក្តៅខ្លួន និងផ្ដាសាយដូចជារោគសញ្ញាកូវីដ-១៩ អញ្ចឹង។
មកដល់ថ្ងៃទី ៣១ ខែ មីនា ឆ្នាំ ២០២០ លោកក៏មានអាការៈពិបាកដកដង្ហើមដោយលោកបានទៅពិនិត្យហើយក៏បានឃើញថាលោកបានឆ្លងវីរុសកូវីដ-១៩។ ជាង ៣ សប្តាហ៍បន្ទាប់ពីធ្វើការព្យាបាលនោះ លោក Trevor ក៏បានលាចាកលោកនៅថ្ងៃទី ១៨ ខែ មេសា ឆ្នាំ ២០២០។
យោងតាមសារពត៌មាន The Guardian បាននិយាយថាប្រពន្ធរបស់លោក Trevor មានឈ្មោះថា Kelly Esqulant ដែលរួមរស់ជាមួយនឹងគ្នារយៈពេល ២៨ ឆ្នាំហើយ បានយកឈាមរបស់ប្តីទៅស៊ើបអង្កេត ដើម្បីចង់ដឹងថាវាពិតជាកើតឡើងដោយសារបុរសដែលស្តោះទឹកមាត់ដាក់រូបគាត់មែនដែរ ឬទេ។
នាងបានសរសេរលិខិតស្នើទៅនាយករដ្ឋមន្ត្រីប្រទេសអង់គ្លេសគឺលោក Boris Johnson ឲ្យស៊ើបអង្កេតពីរឿងនេះ ព្រោះកន្លងមកក៏ធ្លាប់មានករណីអ្នកឆ្លងកូវីដ១៩ ដែលមានឈ្មោះថា Belly Mujinga បានស្លាប់ដោយសារមានអ្នកឆ្លងកូវីដ-១៩ ស្តោះទឹកមាត់ដាក់ដែរ៕
ប្រភព៖ The Guardian