ម៉ែសេះ ហៅមនុស្សប្រុសម្នាក់នេះថា "ប្ដី" ពេញៗមាត់

ភ្នំពេញ៖ មួយរយៈពេលចុងក្រោយនេះ ម៉ែសេះ ឬ សេះសេះ បានក្លាយទៅជាតារាកំប្លែងមួយរូប ដែលកំពុងទទួលបានទន្ទឹមគ្នានូវការគាំទ្រក្នុងវិស័យសិល្បៈផង និងការរិះគន់ពីសំណាក់មហាជនលើរឿងរ៉ាវមួយចំនួនផង។ ទោះបីជាយ៉ាងណាក៏ដោយ ក៏ ម៉ែសេះ មិនបានបញ្ឈប់សកម្មភាពសិល្បៈរបស់ខ្លួននោះឡើយ ពោលគឺតារារូបនេះ នៅតែបន្តបង្ហាញមុខក្នុងវីដេអូឃ្លីបកំប្លែងខ្លីៗ និងបង្ហោះរូបភាពស៊ិចស៊ី ពោរពេញដោយម៉ូតស៊ីវីល័យនៅលើគណនី Instagram ជាប់ជាប្រចាំ។

ប៉ុន្តែអ្វីដែលកាន់តែគួរឲ្យចាប់អារម្មណ៍ទៀតនោះ ម៉ែសេះ ស្រាប់តែបង្ហោះរូបបុរសវ័យក្មេងម្នាក់ ជារូបថតដោះអាវ ហើយសរសេរដាក់នូវចំណងជើងឡើងចំៗថា៖ "មើលប្ដីគេផង so sexy"។ បុរសម្នាក់នោះមានឈ្មោះថា ណាឃុន ហើយគាត់ក៏ធ្លាប់មានរូបថតគូជាមួយ ម៉ែសេះ ពីមុនមកនោះដែរ ដោយ ម៉ែសេះ តែងតែហៅគាត់ថា ប្ដី ពេញៗមាត់រហូត។ ការបង្ហោះសារមួយនេះ បានធ្វើឲ្យអ្នកគាំទ្រស្ងើចសរសើរមិនដាច់ពីមាត់គ្រប់ៗគ្នា ព្រោះពួកគេនឹកស្មានមិនដល់ថា ម៉ែសេះ មានបុរសប្រចាំចិត្តរូបសង្ហាបែបនេះ។ ប៉ុន្តែអ្នកខ្លះក៏នៅតែមានការសង្ស័យថា តើបុរសម្នាក់នោះគឺពិតជាមិត្តប្រុសរបស់ម៉ែសេះមែន ឬអាចគ្រាន់តែជាមិត្តភក្តិធម្មតានឹងគ្នាតែប៉ុណ្ណោះ៕

សូមទស្សនារូបភាពខាងក្រោម៖