រាល់ពេលផឹកគ្រឿងស្រវឹងរួច មានមនុស្សមួយចំនួនញ៉ាំក្រូចឆ្មារជាមួយនឹងអំបិល ដើម្បីបន្សាបជាតិស្រវឹង។ ប្រសិនបើស្រវឹង ក្រូចឆ្មារ និងអំបិលពិតជាអាចជួយឲ្យស្វាងវិញបានមែន ឬយ៉ាងណា?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះរឿងញ៉ាំក្រូចឆ្មារ និងអំបិលជួយឲ្យស្វាងស្រវឹងនេះ លោកវេជ្ជបណ្ឌិត ចាន់ ស៊ីណេត ឯកទេសផ្នែកជំងឺទូទៅ បានឲ្យដឹងថា វាមិនខុសទេ ការញ៉ាំក្រូចឆ្មារ និងអំបិល ពិតជាអាចជួយកាត់បន្ថយជាតិស្រវឹងបានមែន ក៏ប៉ុន្តែក្នុងករណីដែលញ៉ាំស្រាតិចតួចប៉ុណ្ណោះ។ លោកវេជ្ជបណ្ឌិតបានបន្តថា ប្រសិនបើញ៉ាំស្រាស្រវឹងជោគជាំហើយនោះ ញ៉ាំក្រូចឆ្មារជាមួយអំបិលក៏មិនអាចជួយបានបន្សាបជាតិស្រវឹងបានដែរ។
មិនត្រឹមតែការញ៉ាំក្រូចឆ្មារប៉ុណ្ណោះទេដែលជួយកាត់បន្ថយជាតិស្រវឹង ប្រសិនបើត្រូវការជំនួយបន្សាបភ្លាមៗ យើងអាចញ៉ាំ៖
- ភេសជ្ជៈប៉ូវកម្លាំងផ្សេងៗដែលជួយតាស់ស្មារតី
- ញ៉ាំទឹកក្រូចឆ្មារ
- ញ៉ាំតែ ឬផ្លែឈើពពួក Citrus ដែលមានជាតិជូរ។
ប៉ុន្តែត្រូវចាំថា ក្បួនទាំងនេះជួយបានតែពេលញ៉ាំគ្រឿងស្រវឹងក្នុងកម្រិតតិចតួចប៉ុណ្ណោះ បើស្រវឹងខ្លាំងហើយ គួរសម្រាក និងញ៉ាំទឹកឲ្យបានច្រើន ជៀសវាងខ្វះជាតិទឹកខ្លាំង ឬអាចបណ្តាលឲ្យមានគ្រោះថ្នាក់ណាមួយជាយថាហេតុ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet