បាងកក៖ អ្នកនាំពាក្យក្រសួងសុខាភិបាលថៃបានរាយការណ៍ថា នៅថ្ងៃច័ន្ទនេះ ប្រទេសថៃមានអ្នកឆ្លងជំងឺកូវីដ១៩ថ្មីចំនួន ២នាក់ និងអ្នកស្លាប់ម្នាក់ ដែលជាស្ត្រីវ័យ ៦៨ ឆ្នាំ មានទាំងជំងឺប្រចាំកាយ ដូចជា ទឹកនោមផ្អែម ខ្សោយតំរងនោម និងជំងឺលើសឈាមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Taweesin Wisanuyothin ដែលជាអ្នកនាំពាក្យបានឱ្យដឹងថា៖
ករណីអ្នកឆ្លងជំងឺកូវីដ១៩ថ្មី រួមមាន ទី១ គឺជាស្ត្រីជនជាតិចិន ដែលបានឆ្លងជំងឺពីប្តីជាជនជាតិអ៊ីតាលី ហើយពួកគេបានធ្វើដំណើរទៅលេងកោះភូកេតកាលពីថ្ងៃទី ៩ ខែមីនា។ ចំណែកម្នាក់ទៀត គឺជាស្ត្រីអ្នកដំណើរ ដែលវិលត្រឡប់ពីប្រទេសរុស្ស៊ី ចូលទៅក្នុងប្រទេសថៃកាលពីថ្ងៃពុធកន្លងទៅ។
គួរឱ្យដឹងផងដែរថា ចាប់តាំងពីមានករណីផ្ទុះឡើងនៃជំងឺកូវីដ១៩ កាលខែមករារហូតមកដល់ពេលនេះ ប្រទេសថៃមានអ្នកឆ្លងជំងឺសរុប ៣,០៤២នាក់ អ្នកស្លាប់ ៥៧នាក់ និងអ្នកជាសះស្បើយចំនួន ២,៩២៨នាក់៕
Bong I.T